వార్ 2 – యాక్షన్, ఎమోషన్ కలయికతో మాస్ ఫెస్ట్
ఎన్టీఆర్, హృతిక్ రోషన్ వంటి స్టార్ హీరోలు కలిసిన వార్ 2 విడుదలకు ముందే భారీ హైప్ సొంతం చేసుకుంది. స్పై యూనివర్స్ నుండి వచ్చిన ఈ యాక్షన్ ప్యాక్డ్ కమర్షియల్ ఎంటర్టైనర్ గ్రాండియర్ విజువల్స్‌తో ఆకట్టుకుంటుంది.
సినిమా కథ ఇద్దరు హీరోల పాత్రలను సమతుల్యం చేసేలా రాసుకున్నా, కొన్ని సన్నివేశాల్లో రొటీన్ ఫీలింగ్ కలుగుతుంది. అయితే స్క్రీన్‌పై మాత్రం భారీ స్థాయి యాక్షన్, సెట్స్, విజువల్స్ మంత్రముగ్ధులను చేస్తాయి. ఎన్టీఆర్ ఇంట్రడక్షన్ మైండ్‌బ్లోయింగ్‌గా, హృతిక్ స్టైలిష్‌గా కనిపించారు. కొన్ని సన్నివేశాల్లో యాక్షన్ ఓవర్డోస్ ఉన్నా, మాస్ ఆడియన్స్‌కి బాగా నచ్చేలా ఉన్నాయి.
‘సలామనాలి’ సాంగ్ ఇద్దరు బెస్ట్ డాన్సర్ల ఎనర్జీతో అద్భుతంగా కనిపించింది. ఫస్ట్ హాఫ్‌లో యాక్షన్, స్టైల్ హైలైట్ కాగా, సెకండ్ హాఫ్‌లో ఎమోషనల్ డ్రామా బలంగా వచ్చింది. క్లైమాక్స్‌లో టెన్షన్, ట్విస్టులు ప్రేక్షకులను కట్టిపడేస్తాయి.
వీఎఫ్ఎక్స్ మొత్తానికి బాగానే ఉన్నా, ఒక బోట్ సీక్వెన్స్‌లో మరింత మెరుగ్గా చేయాల్సిన అవసరం ఉంది. కథ రొటీన్ అయినప్పటికీ, ఇద్దరు హీరోల మాస్ పుల్, హై మోమెంట్స్, గ్రాండ్ ప్రెజెంటేషన్ సినిమాకి ప్లస్ అయ్యాయి. వీకెండ్ అడ్వాంటేజ్‌తో వార్ 2 బాక్సాఫీస్ వద్ద మంచి ఫలితాలు సాధించే అవకాశం ఉంది.
