తెలుగు రాష్ట్రాలు తెలంగాణ, ఆంధ్రప్రదేశ్‌లోని డిస్ట్రిక్ట్ కాంగ్రెస్ కమిటీ (డీసీసీ) అధ్యక్షులకు శిక్షణా తరగతులు అనంతగిరి హిల్స్‌లోని హరిత హోటల్‌లో జరుగుతున్నాయి. ఈ రెండు రోజుల కార్యక్రమాలు ఇవాళ ముగుస్తాయి. ముగింపు సమావేశానికి రాహుల్ గాంధీ ముఖ్య అతిథిగా హాజరవుతారు. ఉదయం 10:30 గంటలకు డీసీసీ అధ్యక్షులు, పార్టీ కీలక నేతలతో సమావేశమవుతారు. పార్టీని బలోపేతం చేయడం, ప్రజలకు చేరువ చేయడం వంటి అంశాలపై దిశానిర్దేశం చేస్తారు.

టీపీసీసీ చీఫ్ మహేష్ కుమార్ గౌడ్, ముఖ్యమంత్రి రేవంత్ రెడ్డి, మంత్రులు, పార్టీ ముఖ్య నేతలు ఈ కార్యక్రమంలో పాల్గొంటున్నారు. శిక్షణా తరగతులు కేవలం డీసీసీలకు పరిమితం కాకుండా, పార్టీ విస్తరణకు సంబంధించిన వ్యూహాలపై దృష్టి సారిస్తాయి. సాయంత్రం 5 గంటలకు తిరిగి శంషాబాద్ ఎయిర్‌పోర్టుకు చేరుకుని, అక్కడి నుంచి ఢిల్లీకి ప్రయాణమవుతారు.

ఈ పర్యటనలో శిక్షణా తరగతులతో పాటు ఇతర కీలక అంశాలపైనా చర్చలు జరగనున్నాయి. తెలంగాణ నుంచి ఖాళీ అవుతున్న రాజ్యసభ స్థానాలకు అభ్యర్థుల ఎంపికపై నిర్ణయం తీసుకునే అవకాశం ఉంది. సామాజిక సమీకరణాలు, పార్టీ విధేయతలను ప్రాతిపదికగా పేర్లను ఖరారు చేయవచ్చు. అలాగే, మావోయిస్ట్ మాజీ అగ్రనేతలను కలిసి, ప్రజా సమస్యలు, క్షేత్రస్థాయి పరిస్థితులపై చర్చించే అవకాశం కూడా ఉంది. ఈ పర్యటన తెలంగాణ కాంగ్రెస్‌కు నూతన ఉత్తేజాన్ని ఇస్తుందని పార్టీ వర్గాలు భావిస్తున్నాయి.

The post రాహుల్-ఖర్గే వికారాబాద్ పర్యటన: డీసీసీలకు దిశానిర్దేశం appeared first on TelAndra.com.

నిన్న జరిగిన ఘర్షణల నేపథ్యంలో 20 మందికి పైగా బీఆర్ఎస్ నేతలు, కార్యకర్తలపై కేసులు నమోదయ్యాయి. భారీ బలగాలతో పోలీసులు బాల్క సుమన్ నివాసానికి చేరుకుని ఆయనను అదుపులోకి తీసుకున్నారు. బీఆర్ఎస్ శ్రేణులు తీవ్రంగా నిరసన వ్యక్తం చేస్తూ పోలీసులను అడ్డుకునే ప్రయత్నం చేశారు. “అరెస్టు అక్రమం” అంటూ నినాదాలు చేస్తూ ఆందోళన చేశారు. పరిస్థితి ఉద్విగ్నంగా మారడంతో పోలీసులు లాఠీచార్జ్ చేశారు. కొందరు కార్యకర్తలు ఫర్నిచర్‌ను విరగ్గొట్టారు.

బీఆర్ఎస్ వర్గాలు కాంగ్రెస్ ప్రభుత్వం మున్సిపాలిటీని బలవంతంగా స్వాధీనం చేసుకోవాలని అక్రమ కేసులు పెడుతోందని ఆరోపిస్తున్నాయి. తమకు స్పష్టమైన మెజారిటీ ఉన్నప్పటికీ అన్యాయం జరుగుతోందని వాదిస్తున్నారు. మరోవైపు కాంగ్రెస్ నేతలు బీఆర్ఎస్ కార్యకర్తలు మంత్రి కాన్వాయ్‌పై దాడి చేశారంటూ ఫిర్యాదు చేశారు.

అరెస్టు తర్వాత బాల్క సుమన్‌ను వైద్య పరీక్షల కోసం ఆసుపత్రికి తరలించారు. అనంతరం మంచిర్యాల కోర్టులో హాజరు పరిచారు. ఇరువైపుల వాదనలు విన్న జడ్జి 14 రోజుల జ్యుడిషియల్ రిమాండ్ విధించారు. ఆయనతో పాటు మరో ముగ్గురికి కూడా రిమాండ్ విధించారు. పోలీసులు ఆయనను ఆదిలాబాద్ జైలుకు తరలిస్తున్నారు.

ఈ ఘటనతో జిల్లాలో రాజకీయ ఉద్వేగాలు మరింత పెరిగాయి. బీఆర్ఎస్ నేతలు ఈ చర్యలను తీవ్రంగా ఖండిస్తున్నారు. పరిస్థితిని అదుపులో ఉంచేందుకు అదనపు బలగాలు మోహరించాయి.

The post బాల్క సుమన్ అరెస్టు: 14 రోజుల జైలు రిమాండ్ appeared first on TelAndra.com.

ఇదే సమయంలో తిరుపతి జిల్లాలోని ఓబులవారిపల్లె మండలం బాలరెడ్డిపల్లె గ్రామంలో కూడా ఎలుగుబంట్లు హడావిడి చేస్తున్నాయి. మూడు ఎలుగుబంట్లు గ్రామంలో తిరుగుతూ మనుషులపై దాడులకు తెగబడుతున్నాయి. అమర్నాథ్ రెడ్డి అనే వ్యక్తిపై మొదట దాడి చేయగా, గ్రామస్థులు రాళ్లు, కర్రలతో గట్టిగా శబ్దం చేసి తరిమేశారు. దాంతో అవి అడవి వైపు పారిపోయాయి. అయితే అమర్నాథ్ తీవ్రంగా గాయపడ్డాడు.

ఇంకా ఇద్దరిపై కూడా దాడులు జరిగాయి. పొలంలో పని చేస్తున్న ఒక రైతు, మరొక యువకుడిపై ఎలుగుబంట్లు విరుచుకుపడ్డాయి. ఇద్దరూ తీవ్ర గాయాలపాలయ్యారు. ఇది మూడు రోజుల క్రితం ఆవులపై కూడా దాడి చేసినట్లు స్థానికులు చెబుతున్నారు. గ్రామస్తులు ఇప్పుడు రాత్రిళ్లు బయటకు రావడం తగ్గించారు.

అడవుల సమీపంలో ఉండే గ్రామాల్లో మానవ-జంతు సంఘర్షణలు రోజురోజుకూ పెరుగుతున్నాయి. ఆహారం కోసం ఎలుగుబంట్లు గ్రామాల వైపు వస్తున్నట్లు అటవీ శాఖ అధికారులు అంటున్నారు. ప్రజలు అప్రమత్తంగా ఉండాలి, రాత్రి ఒంటరిగా అడవి ప్రాంతాలకు వెళ్లవద్దు అని హెచ్చరిస్తున్నారు. ఈ జంతువులను సురక్షితంగా అడవికి తరలించేందుకు అధికారులు త్వరగా చర్యలు చేపట్టాలని స్థానికులు కోరుతున్నారు.

ఇలాంటి ఘటనలు తగ్గాలంటే అడవుల సంరక్షణ పెంచడం, గ్రామాల చుట్టూ బారికేడ్లు వేయడం, ప్రజల్లో అవగాహన కల్పించడం చాలా అవసరం. మనుషులు, జంతువుల మధ్య సమతుల్యత ఉండాలి. లేకపోతే ఇలాంటి విషాదాలు మళ్లీ మళ్లీ జరుగుతూనే ఉంటాయి.

The post తెలంగాణ-మహారాష్ట్ర సరిహద్దులో ఎలుగుబంటి దాడి: 1 మృతి, 7 గాయాలు appeared first on TelAndra.com.

గతంలో బీసీలకు స్థానిక సంస్థల్లో 42 శాతం రిజర్వేషన్ కల్పిస్తూ నివేదిక వచ్చింది. అయితే సుప్రీంకోర్టు 50 శాతం రిజర్వేషన్ పరిమితిని దాటరాదని స్పష్టమైన ఆదేశాలు ఇచ్చిన నేపథ్యంలో ఆ నివేదిక చట్టపరంగా సమస్యాత్మకమైంది. దీంతో ఎన్నికల నిర్వహణకు అడ్డంకులు తలెత్తాయి.

ఈ సమస్యను పరిష్కరించేందుకు క్యాబినెట్ మరోసారి డెడికేషన్ కమిషన్‌ను ఏర్పాటు చేసింది. ఈ కమిషన్‌కు తక్షణమే నోట్ పంపించి, ఒకటి లేదా రెండు రోజుల్లోనే గ్రామ పంచాయతీలు, మున్సిపల్ వార్డులు, ప్రాదేశిక నియోజకవర్గాల్లో ఎస్సీ, ఎస్టీ, బీసీ, మహిళల రిజర్వేషన్లను 50 శాతం మించకుండా సర్దుబాటు చేసే నివేదిక సమర్పించాలని ఆదేశించింది.

కమిషన్ నివేదిక అందిన వెంటనే, ఈ నెల 25వ తేదీన మరో క్యాబినెట్ సమావేశం నిర్వహించి దానికి ఆమోదం తెలపనున్నారు. ఈ నిర్ణయం వల్ల నవంబరు 24న హైకోర్టులో జరగబోయే విచారణలో కూడా తెలంగాణ ప్రభుత్వం బలమైన వాదన చేయగలుగుతుందని అధికార వర్గాలు భావిస్తున్నాయి.

స్థానిక సంస్థల ఎన్నికలు ఎప్పటి నుంచి నిర్వహించాలనేది ఇప్పటికే ఎన్నికల సంఘం ప్రకటించిన సర్వోన్నత న్యాయస్థానం ఆదేశాలకు అనుగుణంగా ఉండాల్సి ఉండటంతో, ఈ డెడికేషన్ కమిషన్ నివేదిక కీలక పరిణామంగా మారనుంది. త్వరలోనే ఎన్నికల నోటిఫికేషన్ విడుదలయ్యే అవకాశం కనిపిస్తోంది.

The post తెలంగాణ క్యాబినెట్ కీలక నిర్ణయాలు. appeared first on TelAndra.com.

ప్రమాదం సోమవారి తెల్లవారుజామున 5 గంటల సమయంలో జరిగింది. షాబాద్ నుంచి తాండూర్‌కు వెళ్తున్న టిప్పర్ డ్రైవర్ హైస్పీడ్‌లో ప్రయాణిస్తూ, గుంట తప్పించుకోవాలని కుడి వైపు తిప్పుకుంటున్నప్పుడు బస్ ముందు భాగానికి తగిలింది. టిప్పర్‌లోని 8 మి.మీ. కంకర్ మొత్తం బస్‌లోకి పడిపోయి, ప్రయాణికులను ముంచెత్తింది. డ్రైవర్ సీటు వైపు ప్రయాణికులు ఎక్కువగా మరణించారు. కండక్టర్ వైపు ఉన్నవారు కొందరు బయటపడ్డారు.

టిప్పర్‌కు అనుమతి కేవలం 35 టన్నులకు మాత్రమే కానీ, దాదాపు రెండు రెట్లు లోడ్‌తో ప్రయాణిస్తున్నట్టు ఆర్టీఓ అధికారులు తెలిపారు. ఈ ఓవర్‌లోడ్, నిర్లక్ష్య డ్రైవింగ్ వల్లే ప్రమాదం జరిగినట్లు పోలీసులు అనుమానిస్తున్నారు. బస్‌లో 50 మందికి పైగా ప్రయాణికులు ఉండగా, ఇది తాండూర్-హైదరాబాద్ రెగ్యులర్ సర్వీస్. టిప్పర్ డ్రైవర్ కూడా మరణించాడు.

సైట్‌కు చేరుకున్న సీపీ అవినాష్ మహంతి అధికారికంగా 19 మరణాలను ధృవీకరించారు. పోలీసులు ప్రాంతాన్ని క్లోజ్ చేసి రెస్క్యూ పనులు చేపట్టారు. గాయపడినవారిని చెవెల్ల ప్రభుత్వ ఆసుపత్రికి తరలించారు. ముఖ్యమంత్రి రేవంత్ రెడ్డి రిలీఫ్ చర్యలు తీసుకోవాలని జిల్లా అధికారులకు ఆదేశాలు జారీ చేశారు. ట్రాన్స్‌పోర్ట్ మంత్రి పొన్నం ప్రభాకర్ సైట్‌ను సందర్శించి, మృతుల కుటుంబాలకు రూ.7 లక్షలు ఎక్స్‌గ్రేషియా ప్రకటించారు.

ఐటీ మంత్రి డి.శ్రీధర్ బాబు ఈ ఘటనపై దిగ్భ్రాంతి వ్యక్తం చేసి, గాయపడినవారి చికిత్సకు ప్రాధాన్యత ఇవ్వాలని సూచించారు. ఈ ప్రమాదం రోడ్డు భద్రత, వాహన నియంత్రణలపై ప్రశ్నలు లేవనెత్తింది. ప్రభుత్వం విచారణకు ఆదేశాలు జారీ చేసింది.

The post చెవెల్ల : ఓవర్‌లోడ్ టిప్పర్ ఢీకొన్న ఆర్టీసీ బస్,19 మంది మరణం. appeared first on TelAndra.com.

కాంగ్రెస్ వ్యూహాత్మకంగా ముందుకు సాగుతోంది. ముగ్గురు మంత్రులకు ఇంచార్జ్ బాధ్యతలు అప్పగించి, డివిజన్ల వారీగా ఎమ్మెల్యేలకు పని విభజన చేసింది. నవంబర్ 1 నుంచి విస్తృత ప్రచారం మొదలుపెట్టనుంది. సీఎం రేవంత్ రెడ్డి స్వయంగా ప్రచారంలోకి దిగుతున్నారు. డివిజన్ స్థాయిలో సమావేశాలు, సభలు, రోడ్ షోలు నిర్వహించేందుకు సిద్ధమవుతున్నారు. అధికారంలో ఉండటం కాంగ్రెస్‌కు ప్లస్ పాయింట్.

బీఆర్‌ఎస్ సిట్టింగ్ సీటును కాపాడుకోవాలని పట్టుదలతో ఉంది. ఫామ్‌హౌస్‌లో ఉంటున్న మాజీ సీఎం కేసీఆర్ ఇటీవల నాయకులతో సమావేశమై వ్యూహాలు రచించారు. కాంగ్రెస్ అభ్యర్థిని ‘రౌడీ షీటర్’ అంటూ ఆరోపణలు చేస్తున్నారు. దీనికి కాంగ్రెస్ కౌంటర్ ఇస్తోంది. బీఆర్‌ఎస్ కూడా ఎంఐఎం నుంచి కొందరు నేతలను చేర్చుకుంటోందని, వారిపైనా క్రిమినల్ కేసులు ఉన్నాయని ప్రశ్నిస్తోంది. ఈ ఆరోపణలు ఓటర్లను ఎలా ప్రభావితం చేస్తాయో చూడాలి.

కంటోన్మెంట్ ఉప ఎన్నికలో మాదిరిగా కాంగ్రెస్ ఇక్కడా జెండా ఎగురవేస్తుందా? లేక బీఆర్‌ఎస్ తన సీటును నిలబెట్టుకుంటుందా? అనేది ఫలితాలు తేల్చాలి. అందరి దృష్టి ఈ ఎన్నికపైనే.

The post జూబిలీ హిల్స్ ఉప ఎన్నిక: రాజకీయ యుద్ధం హీటెక్కింది appeared first on TelAndra.com.

సెప్టెంబర్ 26న ఉస్మాన్ సాగర్, హిమాయత్ సాగర్ నుంచి 36 వేల క్యూసెక్కుల నీటిని విడుదల చేయడంతో వరద తీవ్రమైంది. లంగర్ హౌస్, బాపు ఘాట్, పురాణపూల్, ఎంజీబీఎస్, చాదర్ ఘాట్ ప్రాంతాలు నీట మునిగాయి. శివాలయంలో చిక్కుకున్న ఒక కుటుంబం రాత్రంతా ఆలయ పైకి ఎక్కి ప్రాణాలు కాపాడుకుంది. అంబేద్కర్ నగర్, మూసానగర్ బస్తీల్లో 20 కుటుంబాలు భవనాల పైకి చేరి రక్షణ పొందాయి. మలక్పేటలో 1000 మందిని సురక్షితంగా తరలించారు. నార్సింగి, పటాన్‌చేరు రహదారులు మూసుకుపోయాయి.

117 ఏళ్ల క్రితం 1908 సెప్టెంబర్ 26-28లో మూసీ వరదలు 15 వేల మంది ప్రాణాలు బలిగొన్నాయి. 80 వేల ఇళ్లు ధ్వంసమయ్యాయి. ఆ తర్వాత నిజాం ఆరవ మహబూబ్ అలీ ఖాన్ సర్ మోక్షగుండం విశ్వేశ్వరయ్యను ఆహ్వానించి, ఉస్మాన్ సాగర్ (1920), హిమాయత్ సాగర్ (1927) జలాశయాలు నిర్మించారు. డ్రైనేజీ వ్యవస్థను ఆధునికీకరించారు.

కానీ, 1972 నుంచి వలసలు పెరిగి, మూసీ నది చుట్టూ 80 బస్తీలు ఏర్పడ్డాయి. నదీ పరివాహక ప్రాంతం ఆక్రమణలకు గురై, మురుగు కాలువగా మారింది. ఫలితంగా వరదలు తీవ్రమవుతున్నాయి. భవిష్యత్తులో ఇలాంటి విపత్తులు నివారించాలంటే, ఆక్రమణలు తొలగించి, నదిని స్వేచ్ఛగా ప్రవహించేలా చేయాలి. లేకుంటే, మూసీ మళ్లీ ఉగ్రరూపం దాల్చుతుంది.

The post హైదరాబాద్‌లో మూసీ నది మహోగ్ర రూపం. appeared first on TelAndra.com.

తెలంగాణలో నెట్వర్క్ హాస్పిటల్స్ మరోసారి ఆరోగ్యశ్రీ సేవలను నిలిపివేసే అల్టిమేటం ప్రభుత్వానికి జారీ చేశాయి. 1400 కోట్ల రూపాయల బకాయలు ఆసుపత్రులపై ఆర్థిక భారంగా మారడంతో, అర్ధరాత్రి నుంచి సేవలు నిలిపివేస్తామని ప్రకటించాయి. 20 రోజులుగా ఆరోగ్య శాఖ, ఆరోగ్యశ్రీ ట్రస్ట్‌తో జరిగిన చర్చలు విఫలమైన నేపథ్యంలో ఈ నిర్ణయం తీసుకున్నట్లు యాజమాన్యాలు వెల్లడించాయి. గత సంవత్సరం నుంచి బిల్లులు చెల్లించకపోవడం, సిబ్బంది జీతాలు, మందుల కొనుగోలు, నిర్వహణ ఖర్చులకు ఇబ్బందులు ఎదురవుతున్నట్లు తెలిపాయి.

ప్యాకేజీ రేట్ల పెంపు డిమాండ్ :

వైద్య సేవల ధరలు పాతవైనవి కావడంతో, ప్యాకేజీ రేట్లను పెంచాలని ఆసుపత్రులు డిమాండ్ చేస్తున్నాయి. రేట్లు పెంచకపోవడం వల్ల ఆర్థిక నష్టాలు ఎదుర్కొంటున్నట్లు ఆరోపించాయి. ఆరోగ్యశ్రీ ట్రస్ట్ నుంచి సానుభూతి లేకపోవడం, బకాయల అంశంలో స్పందన లేకపోవడం ఈ నిర్ణయానికి కారణమని వెల్లడించాయి.

ఆంధ్రప్రదేశ్‌లో ఎన్టీఆర్ వైద్య సేవల సమస్యలు :

ఇదిలా ఉంటే, ఆంధ్రప్రదేశ్‌లో ఎన్టీఆర్ వైద్య సేవ నెట్వర్క్ ఆసుపత్రులు కూడా నేటి నుంచి ఓపీ సేవలను నిలిపేస్తున్నట్లు ప్రకటించాయి. ఆసుపత్రుల సంఘం సీఓ కి లేఖ రాసి, ఉచిత వైద్య సేవలకు సహకరిస్తున్నా, 2000 కోట్ల బకాయలతో ఆర్థిక సమస్యలు ఎదుర్కొంటున్నట్లు వెల్లడించాయి. వారం రోజుల్లోగా బకాయలు విడుదల చేయాలని డిమాండ్ చేశాయి. లేనిపక్శ ఆందోళనలు గురించి ఆలోచిస్తామని హెచ్చరించాయి.

పరిస్థితి తీవ్రత :

తెలంగాణ, ఆంధ్రప్రదేశ్‌లో ఆసుపత్రుల ఈ నిర్ణయం పేదవాదులకు తీవ్ర ప్రభావం చూపే అవకాశం ఉంది. ప్రభుత్వాలు వెంటనే చర్యలు తీసుకోకపోతే ఆరోగ్య సేవల్లో విస్తృత క్షోభం తలెత్తే అవకాశం ఉందని నిపుణులు హెచ్చరిస్తున్నారు.

The post తెలంగాణలో ఆరోగ్యశ్రీ సేవలపై నెట్వర్క్ హాస్పిటల్స్ అల్టిమేటం appeared first on TelAndra.com.

చర్చల్లో ముఖ్యంగా టోకెన్ బకాయల వివరాలపై దృష్టి పడింది. ప్రతి కళాశాలకు ఎంత బకాయలు ఉన్నాయో సేకరించడానికి ఆర్థిక శాఖ అధికారులు ఒకరోజు సమయం కోరారు. దీనిపై యాజమాన్యాలు సహకరించేందుకు అంగీకరించాయి. ఇవాళ సాయంత్రం డిప్యూటీ సీఎం ఆధ్వర్యంలో జరిగే సమావేశానికి ప్రతినిధులు హాజరవుతున్నారు. డిమాండ్లు ఆమోదం చెందకపోతే సమ్మె కొనసాగుతుందని స్పష్టం చేశారు. అయితే, ఫార్మసీ, బీఎడ్ పరీక్షల నిర్వహణ అంశాన్ని సంబంధిత విశ్వవిద్యాలయ అధికారులకు వదిలేశారు.

డిప్యూటీ సీఎం భట్టి విక్రమార్క ‘చర్చలు ఫలప్రదంగా జరిగాయి. ప్రైవేటు కళాశాలల సమస్యలను పూర్తిగా అర్థం చేసుకున్నాం’ అని పేర్కొన్నారు. బకాయలు 1,200 నుంచి 1,800 కోట్ల రూపాయల వరకు ఉండవచ్చని అంచనా. గతేడాది ప్రభుత్వం టోకెన్‌లు జారీ చేసినా, నిధులు విడుదల కాలేదు. ‘అవమానకరంగా ఉంది. సెప్టెంబర్ 21లోపు టోకెన్ మొత్తాన్ని విడుదల చేస్తామని హామీ’ అని చెప్పారు. అప్పటివరకు సమ్మె విరమించమని కోరారు. యాజమాన్యాలు సానుకూలంగా స్పందించాయి.

ఈ చర్చలు ప్రభుత్వ-యాజమాన్యాల మధ్య విశ్వాసాన్ని పెంచాయి. సమస్యల పరిష్కారానికి ప్రభుత్వం త్వరగా చర్యలు తీసుకుంటుందని ఆశలు. విద్యార్థుల భవిష్యత్తుపై ప్రభావం చూపకుండా, త్వరలోనే స్థిరత్వం వస్తుందని నిపుణులు అంచనా.

The post తెలంగాణ ప్రైవేటు కళాశాలల సమ్మె: ఫీజు బకాయలపై చర్చలు appeared first on TelAndra.com.

వాడి గ్రామం, మెదక్ జిల్లా హవేలీ ఘనపూర్ మండలంలో వరదలు బీభత్సం సృష్టించాయి. గత రెండు రోజులుగా  కురుస్తున్న భారీ వర్షాల కారణంగా వాడి గ్రామం జలదిగ్బంధంలో చిక్కుకుంది. రోడ్లు, ఇళ్లు నీటమునిగి, గ్రామస్తులు తీవ్ర ఇబ్బందులు ఎదుర్కొంటున్నారు. రాకపోకలు స్తంభించడంతో గ్రామం ఒంటరిగా మారింది.

గర్భిణి ఆపదలో

ఈ క్లిష్ట పరిస్థితిలో ఓ గర్భిణి పురిటి నొప్పులతో బాధపడుతున్నట్లు సమాచారం అధికారులకు అందింది. వెంటనే స్పందించిన అధికారులు ఎన్డీఆర్ఎఫ్ బృందానికి సమాచారం అందించారు. ఈ సమాచారంతో తక్షణం గ్రామానికి చేరుకున్న ఎన్డీఆర్ఎఫ్ బృందం, గర్భిణిని సురక్షితంగా ఆసుపత్రికి తరలించింది.

వాడి గ్రామం లో ఎన్డీఆర్ఎఫ్ సాహసం

వరద నీరు గ్రామాన్ని చుట్టుముట్టినప్పటికీ, ఎన్డీఆర్ఎఫ్ బృందం తమ నైపుణ్యంతో రక్షణ కార్యక్రమాన్ని విజయవంతం చేసింది. స్థానిక అధికారులు, గ్రామస్తుల సహకారంతో ఈ క్లిష్ట సమయంలో గర్భిణి ప్రాణాలను కాపాడారు. ఈ ఘటన గ్రామంలో ఆందోళన కలిగించినప్పటికీ, ఎన్డీఆర్ఎఫ్ వేగవంతమైన చర్యలు ఆపదలో ఆదుకునే స్ఫూర్తిని చాటాయి.

 కొనసాగుతున్న రెస్క్యూ

ప్రస్తుతం వరద ప్రభావిత ప్రాంతాల్లో రెస్క్యూ కార్యక్రమాలు కొనసాగుతున్నాయి. గ్రామస్తులు, అధికారులు కలిసి మరిన్ని ప్రాణనష్టాలు జరగకుండా చర్యలు చేపడుతున్నారు. ఈ సంఘటన సమాజంలో సహకార స్ఫూర్తిని, ఆపద సమయంలో ఐక్యతను ప్రదర్శించింది.

The post వాడి గ్రామంలో వరద-గర్భిణిని కాపాడిన ఎన్డీఆర్ఎఫ్ ! appeared first on TelAndra.com.