ఎన్టీఆర్, హృతిక్ రోషన్ నటించిన వార్ 2కి అయాన్ ముఖర్జీ, రజనీకాంత్ నటించిన కూలీకి లోకేష్ కనగరాజ్ దర్శకత్వం వహించారు. రిలీజ్‌కు ముందు భారీ హైప్ సృష్టించిన ఈ చిత్రాలు విడుదలైన తర్వాత నెగిటివ్ స్పందనలు ఎదుర్కొన్నాయి. మొదటి నాలుగు రోజులు సెలవు దినాల కారణంగా కూలీ 400 కోట్లు, వార్ 2 275 కోట్ల గ్రాస్ వసూళ్లు రాబట్టాయి.

వర్కింగ్ డేలో డిజాస్టర్ :

సోమవారం వర్కింగ్ డేలో రెండు సినిమాల వసూళ్లు దారుణంగా పడిపోయాయి. ఇండియా వ్యాప్తంగా కూలీ 12 కోట్లు, వార్ 2 8 కోట్లు మాత్రమే సేకరించాయి. తెలుగు రాష్ట్రాల్లో పరిస్థితి మరింత దిగజారింది. వార్ 2 కేవలం 1 కోటి, కూలీ 2 కోట్ల నెట్ వసూళ్లు సాధించాయి. తమిళనాడులో కూలీ 7 కోట్ల షేర్‌తో కాస్త బెటర్ పనితీరు కనబరిచింది, కానీ వార్ 2 తమిళ, కన్నడలో దాదాపు వాషౌట్ అయింది.

ఓవర్సీస్‌లోనూ నిరాశ :

ఓవర్సీస్ మార్కెట్‌లో రెండు చిత్రాలు భారీగా డ్రాప్ అయ్యాయి. హిందీలో వార్ 2 మోస్తరు పనితీరు చూపినప్పటికీ, తెలుగు, తమిళ మార్కెట్లలో భారీ నష్టాలు తప్పవు. కూలీ కంటే వార్ 2కి నష్టాలు ఎక్కువగా ఉండే అవకాశం ఉంది.

లాంగ్ రన్ ఆశలు :

ప్రస్తుత ట్రెండ్ ప్రకారం రెండు సినిమాల థియేటర్ రన్ దాదాపు ముగిసినట్లే కనిపిస్తోంది. లాంగ్ రన్‌లో ఈ చిత్రాలు ఎంత వసూలు చేస్తాయనేది చూడాలి. నష్టాలతో క్లోజింగ్ అయ్యే సూచనలు స్పష్టంగా కనిపిస్తున్నాయి.

The post వార్ 2, కూలీ సినిమాలు: బాక్సాఫీస్ విఫలం. appeared first on TelAndra.com.

రజినీకాంత్–లోకేష్ కనకరాజ్ కాంబినేషన్ పై అభిమానుల్లో భారీ అంచనాలు ఉన్నాయి. టైటిల్ ‘ కూలీ ’తోనే హైప్ పెరిగింది. అయితే ట్రైలర్ మామూలుగానే ఉన్నా, బుకింగ్స్ మాత్రం ఫుల్. ఈ నేపథ్యంతో విడుదలైన సినిమా యాక్షన్ ఎంటర్టైనర్‌గా వచ్చింది.

కథా స్క్రీన్‌ప్లేలో లోకేష్ సిగ్నేచర్‌ ఎమోషనల్ హై, ఫ్రెష్‌నెస్ మిస్సయ్యాయి. ఎక్కువ భాగం రజినీ ఆరాపైనే నడిచింది. యాక్షన్, పాటలలో రజినీ స్టైల్ బాగా ఆకట్టుకున్నా, కథలో కొత్తదనం తక్కువ. ఫ్లాష్‌బ్యాక్ ఎపిసోడ్‌లో రజినీ వింటేజ్ లుక్ హైలైట్‌గా నిలిచింది.

నాగార్జున ఎంట్రీ మొదట ఆసక్తికరంగా ఉన్నా, సెకండ్ హాఫ్‌లో అతని పాత్ర పాసివ్‌గా మారింది. షౌబిన్ సాహీర్ లేయర్డ్ క్యారెక్టర్‌తో బలమైన ఇంపాక్ట్ ఇచ్చాడు. అమీర్ ఖాన్ చివర్లో తక్కువ సమయంలోనే ఆకట్టుకున్నాడు. ఉపేంద్ర పాత్ర రజినీకి తోడుగా నిలిచింది. రచితా రామ్ షాకింగ్ మేకోవర్‌తో సర్ప్రైజ్ ఇచ్చింది.

అనిరుధ్ ఆల్బమ్ సగటుగా ఉన్నా, బ్యాక్‌గ్రౌండ్ మ్యూజిక్‌లో మంచి వర్క్ చేశాడు. కానీ రొటీన్ కథనం, స్లో సెకండ్ హాఫ్, ఎక్కువ లెంగ్త్ సినిమాకి మైనస్ పాయింట్స్ అయ్యాయి.

మొత్తానికి, ‘కూలీ’లో రజినీ స్టైల్ ఉన్నా, లోకేష్ మార్క్ మిస్సవడంతో ఇది “జస్ట్ ఓకే” అనిపించే సినిమా.

The post కూలీ సినిమా సమీక్ష: రజినీ స్టైల్, లోకేష్ మార్క్ మిస్సింగ్ appeared first on TelAndra.com.

అందరి దృష్టిని ఆకర్షిస్తున్న ఒక్క షాట్ గురించి మాట్లాడుకుంటున్నారు – రజనీకాంత్ బీడీ తాగుతున్న స్టైలిష్ షాట్! ఈ సన్నివేశం కోసమే థియేటర్‌కు వచ్చే వారు ఉంటారని, లోకేష్ ఈ షాట్‌ను ప్రత్యేకంగా రూపొందించారని చర్చలు సాగుతున్నాయి. ‘జైలర్’లో చుట్ట కాల్చడం, ‘కూలీ’లో బీడీ పట్టుకోవడం – రజనీ స్టైల్‌లో తేడాను అద్భుతంగా చూపించారని ఫ్యాన్స్ అంటున్నారు.

డాన్స్, పాటల విషయంలోనూ ‘జైలర్’తో ‘కూలీ’ని పోల్చుకుంటున్నారు. ‘మౌనికా’ సాంగ్‌లో రజనీ కనిపించకపోవడం అభిమానులను కొంత నిరాశపరిచినా, లోకేష్ దాన్ని కథానుసారంగా జస్ట్ బిజినెస్ కోసం చేర్చినట్లు చెప్పారు. అయితే, స్క్రీన్‌పై ఊహించని సర్‌ప్రైజ్‌లు ఉన్నాయని లోకేష్ హామీ ఇస్తున్నారు. బహుభాషల్లో రిలీజ్ అవుతున్న ‘కూలీ’ సినిమా రజనీ మ్యాజిక్‌తో మరోసారి బాక్సాఫీస్‌ను షేక్ చేయడానికి సిద్ధంగా ఉంది!

The post జైలర్ vs కూలీ: రజనీ ఫ్యాన్స్ ఉత్సాహం! appeared first on TelAndra.com.