జులై 1 2025 నుంచి కొత్త చట్టం ని అమలు చేస్తున్నట్లు ఢిల్లీ ప్రభుత్వం తెలిపింది. వాయు కాలుష్యం పెరుగుతున్న కారణంగా పాత వాహనాలను తొలగించి వాయు కాలుష్యాన్ని మెరుగు పరచాలంటూ ప్రజలను ఆదేశించింది. వాయు కాలుష్యాన్ని నియంత్రించడం లో భాగంగా ఢిల్లీ ప్రభుత్వం కమిషనర్ ఫర్ ఎయిర్ క్వాలిటీ మేనేజ్‌మెంట్ తో కలిసి జులై 1 నుంచి పాత వాహనాల ను ఉపయోగించకూడదు అంటూ కొత్త రూల్ ని పాస్ చేసింది. పాత వాహనాలను ఉపయోగించిన వారి పై కఠిన చర్యలు తీసుకుంటాం అంటూ ఆదేశాలు జారీ చేసారు.

2025 జులై 1 నుంచి 10 సంవత్సరాల కంటే పాత డీజిల్ వాహనాలకు మరియు 15 సంవత్సరాల కంటే పాత పెట్రోల్ వాహనాలకు ఇంధనం నింపడాన్ని నిషేధించారు. అంతేకాకుండా వాహనాల్ని స్వాధీనం చేసుకునే అవకాశం ఉంది అని చెప్పారు. రేపటినుంచి ఈ ప్రక్రియ ను అమలు చేస్తారని వెల్లడించారు.

ఢిల్లీ లోని పెట్రోల్ పంపుల్లో ఏర్పాటు చేసిన ఆటోమేటిక్ నంబర్ ప్లేట్ రికగ్నిషన్ కెమెరాలు పాత వాహనాలను గుర్తించడం లో ప్రధాన పాత్ర ను పోషిస్తాయి. వాహనం యొక్క వయస్సు పరిమితి దాటి ఉంటె ఇంధనం నింపడం నిషేధిస్తారు. నిబంధనలను ఉల్లఘిస్తే వాహనాలను స్వాధీనం చేసుకుని స్క్రాపింగ్ కేంద్రాలకు సమాచారం అందించి తగిన చర్యలు తీసుకుంటారు.

వాయు కాలుష్యంపై మా పోరాటంలో ఇది ఒక కీలకమైన అడుగు అని ఢిల్లీ రవాణా శాఖ సీనియర్ అధికారి తెలిపారు. పాత వాహనాలు నగరంలో వాయు నాణ్యత తగ్గడానికి ప్రధాన కారణం. ఈ వాహనాలను నడపకుండా నిబంధనలు ఉన్నప్పటికీ, ఇప్పుడు వాటి అమలును కఠినతరం చేయాల్సిన అవసరం ఉంది.

గతం లో కంప్రెస్డ్ నాచురల్ గ్యాస్ కార్ల ను కూడా నిషేధించాలని చర్చలు జరిగినప్పటికీ అవి సఫలం అవ్వలేదు కానీ ఇప్పడు పాత పెట్రోల్ మరియు డీజిల్ వాహనాల నిషేధింపు ఇప్పటి వాహనాలకు వెంటనే వర్తిస్తాయి అంటూ స్పష్టం చేసారు. ఇది ఢిల్లీ లో వాహనాల పైనే కాకుండా ఇతర రాష్ట్రా లలో నమోదు చేయబడి ఢిల్లీలో వయస్సు నిబంధనలకు విరుద్ధంగా ఉన్న వాహనాలకు కూడా వర్తిస్తుందని అధికారులు స్పష్టం చేశారు.

ఈ ప్రక్రియ కేవలం ఢిల్లీకే పరిమితమ్ కాకుండా ఇతర రాష్ట్రాలలోను అమలు చేస్తామని కమిషనర్ ఫర్ ఎయిర్ క్వాలిటీ మేనేజ్‌మెంట్ ఈ నియంత్రణను నేషనల్ క్యాపిటల్ రీజియన్  అంతటా దశలవారీగా అమలు చేయడానికి సన్నాహాలు చేస్తుంది.

నవంబర్ 1, 2025 నుండి, గురుగ్రామ్, ఫరీదాబాద్, ఘజియాబాద్, గౌతమ్ బుద్ధ నగర్ , మరియు సోనిపత్ వంటి ప్రధాన నేషనల్ కాపిటల్ రీజియన్ నగరాల్లోనూ ఈ పాత వాహనాల నియంత్రణ అమలు చేస్తామని. ఆ తర్వాత, ఏప్రిల్ 1, 2026 నాటికి, మిగిలిన నేషనల్ కాపిటల్ రీజియన్ జిల్లాలన్నింటికీ ఈ నిషేధం విస్తరించబడుతుంది అని ఢిల్లీ ప్రభుత్వం తెలియజేసింది.

పాత వాహనాలకు ఇంధనం నియంత్రించినపుడు వాహన యజమాని ఘర్షణ చేస్తారేమో అని ఆందోళన వ్యక్తం చేసారు పెట్రోల్ పుంపు యజమానులు. ఈ సమస్య ను పరిష్కరించడానికి ట్రాఫిక్ పోలీస్ లు పెట్రోల్ బంక్ దగ్గర మరియు పాత వాహనాలు ఎక్కువగా ఉండే ప్రదేశాలలో అదనపు సిబ్బంది ని ఏర్పాటు చేస్తున్నారు.

ఈ కొత్త నిబంధన వల్ల వాయు కాలుష్యం తగ్గుతుందని ప్రభుత్వం ఈ నిర్ణయం తీసుకుంది. ఈ నిబంధన ని దృష్టి లో పెట్టుకునే వాహనం దారులు తమ వాహన వయస్సును చెక్ చేసుకోవాల్సింది గా లేదంటే జరిమానా లేదా వాహనాలను స్క్రాప్ కు అందజేస్తాము అని ప్రభుత్వం వెల్లడించింది.

ఈ ప్రక్రియ ను ఢిల్లీ మరియు పరిసర నేషనల్ కాపిటల్ రీజియన్ లో ప్రస్తుతం నడుస్తున్న చాల పాత వాహనాల పై ప్రభావం చూపుతుందని, తక్కువ కాలుష్యం వ్యాపించే కొత్త వాహనాలకు వేగంగా మారడానికి ప్రోత్సహిస్తుంది అని భావిస్తున్నారు .

The post పాత వాహనాలకు బ్రేక్ – ఢిల్లీ ప్రభుత్వం కీలక నిర్ణయం. appeared first on TelAndra.com.

ఇంజన్ సమస్యతో హాంకాంగ్‌కు తిరిగి ల్యాండ్ :

హాంకాంగ్ నుంచి భారత రాజధాని ఢిల్లీకి బయలుదేరిన ఎయిర్ ఇండియా విమానం AI 315, గాలిలో ఉన్నప్పుడు ఇంజన్ సమస్య కారణంగా U-టర్న్ తీసుకుని హాంకాంగ్‌కు తిరిగి సురక్షితంగా ల్యాండ్ అయింది. ఈ ఘటన జూన్ 16, 2025న జరిగింది. బోయింగ్ 787 డ్రీమ్‌లైనర్‌గా గుర్తింపు పొందిన ఈ విమానం, నాలుగు రోజుల క్రితం జరిగిన ఒక పెద్ద ప్రమాదంలో చిక్కుకున్న ఎయిర్ ఇండియా విమానం మోడల్‌కు చెందినది కావడం ఆందోళన కలిగిస్తోంది.

ఏం జరిగింది ?

సాయంత్రం 6:30 గంటలకు హాంకాంగ్ నుంచి బయలుదేరిన AI 315 విమానం, రాత్రి 9:30 గంటలకు ఢిల్లీ చేరుకోవాల్సి ఉంది. అయితే, గాలిలో ఉన్నప్పుడు ఇంజన్ ఇండికేటింగ్ అండ్ క్రూ అలర్టింగ్ సిస్టమ్ (EICAS) ఒక హెచ్చరికను ప్రదర్శించింది. ఇంజన్‌లోని ఫ్యూయల్ ఫిల్టర్ బైపాస్ సమస్యను సూచిస్తూ ఈ హెచ్చరిక రాగా, ఇంధన ప్రవాహంలో సమస్య ఉండవచ్చని పైలట్ గుర్తించారు. అత్యవసర పరిస్థితి ప్రకటించకపోయినా, పైలట్ జాగ్రత్తగా విమానాన్ని హాంకాంగ్‌కు తిరిగి మళ్లించారు. విమానం సురక్షితంగా ల్యాండ్ అయింది, ప్రయాణీకులందరూ సురక్షితంగా ఉన్నారు.

ఎయిర్ ఇండియా స్పందన :

ఎయిర్ ఇండియా ఈ ఘటనపై ఒక ప్రకటన విడుదల చేసింది. “జూన్ 16, 2025న హాంకాంగ్ నుంచి ఢిల్లీకి బయలుదేరిన AI 315 విమానం, టేకాఫ్ తర్వాత కొద్దిసేపటికే సాంకేతిక సమస్య కారణంగా హాంకాంగ్‌కు తిరిగి వచ్చింది. విమానం సురక్షితంగా ల్యాండ్ అయింది, ప్రస్తుతం సాంకేతిక తనిఖీలు జరుగుతున్నాయి. ప్రయాణీకులను ఢిల్లీకి త్వరగా చేర్చేందుకు ప్రత్యామ్నాయ ఏర్పాట్లు చేస్తున్నాము. వారికి అవసరమైన సహాయాన్ని అందిస్తున్నాము,” అని ఎయిర్ ఇండియా తెలిపింది.

ఆందోళన కలిగిస్తున్న బోయింగ్ 787 :

ఈ ఘటన బోయింగ్ 787 డ్రీమ్‌లైనర్‌పై మరింత అనుమానాలను రేకెత్తిస్తోంది. నాలుగు రోజుల క్రితం జరిగిన ఒక ఘోర ప్రమాదంలో ఇదే మోడల్ విమానం 241 మంది ప్రాణాలను కోల్పోయింది. ఈ నేపథ్యంలో, ఈ విమానాల సురక్షపై ప్రశ్నలు తలెత్తుతున్నాయి. భారతదేశంలోని 34 డ్రీమ్‌లైనర్‌లలో 9 విమానాల తనిఖీ పూర్తయినట్లు గతంలో విమానయాన శాఖ మంత్రి పేర్కొన్నారు. అయినప్పటికీ, తనిఖీలు జరుగుతున్న సమయంలో ఈ విమానం ఎందుకు ఎగిరిందనే ప్రశ్నలు ఉత్పన్నమవుతున్నాయి.

ప్రయాణీకుల సురక్షే ప్రధానం :

పైలట్ తీసుకున్న తక్షణ నిర్ణయం వల్ల ప్రయాణీకులందరూ సురక్షితంగా ఉన్నారు. ప్రస్తుతం విమానానికి సమగ్ర తనిఖీలు జరుగుతున్నాయి. ఈ ఘటన బోయింగ్ 787 డ్రీమ్‌లైనర్‌ల సురక్షా ప్రమాణాలపై మరోసారి చర్చను రేకెత్తించింది. ఈ విమానాలు 11 సంవత్సరాల క్రితం ప్రవేశపెట్టబడినప్పటికీ, వాటి సాంకేతిక నమ్మకం ఇప్పుడు ప్రశ్నార్థకంగా మారింది.

ఎయిర్ ఇండియా ప్రయాణీకులకు ఇబ్బంది తగ్గించేందుకు అన్ని చర్యలు తీసుకుంటున్నట్లు తెలిపింది. తదుపరి పరిణామాలపై అందరి దృష్టి నిలిచి ఉంది.

The post ఎయిర్ ఇండియా విమానం AI 315 గాలిలో U-టర్న్. appeared first on TelAndra.com.