ప్రధానమంత్రి నరేంద్ర మోదీ రైతుల ఆసక్తుల రక్షణ తమ ప్రభుత్వానికి అత్యంత ప్రాధాన్యమని, ఈ విషయంలో భారతదేశం ఎన్నటికీ రాజీ పడదని ప్రకటించారు. ఈ వ్యాఖ్యలు అమెరికా అధ్యక్షుడు డొనాల్డ్ ట్రంప్ రష్యా నుండి క్రూడ్ ఆయిల్ కొనుగోలు చేసినందుకు భారతదేశంపై అదనపు 25% సుంకం విధించిన రోజు తర్వాత వచ్చాయి. ఈ నెలాఖరులో చైనాకు సందర్శనకు వెళ్లనున్న మోదీ, ఈ ప్రకటనతో రైతులకు తమ ప్రభుత్వం అండగా ఉంటుందని స్పష్టం చేశారు.

ప్రస్తుతం భారత జాతీయ భద్రతా సలహాదారు రష్యాలో ఉన్న నేపథ్యంలో, మోదీ ఈ వ్యాఖ్యలు గణనీయమైన ప్రాముఖ్యతను సంతరించుకున్నాయి. అంతర్జాతీయ ఒత్తిడుల మధ్య రైతుల హక్కులను కాపాడేందుకు భారతదేశం దృఢ సంకల్పంతో ఉందని ఆయన స్పష్టం చేశారు. ఈ విషయంలో ఎలాంటి రాజీ లేకుండా, దేశ ఆర్థిక వృద్ధితో పాటు రైతుల సంక్షేమానికి ప్రాధాన్యత ఇస్తామని మోదీ తెలిపారు. ఈ ప్రకటన రైతుల్లో ఆత్మవిశ్వాసాన్ని నింపడంతో పాటు, అంతర్జాతీయ వాణిజ్య విధానాలపై భారతదేశ ధోరణిని స్పష్టం చేసింది.

The post రైతుల రక్షణ మా ప్రాధాన్యత: ప్రధాని మోదీ appeared first on TelAndra.com.

ప్రధాని మోడీ ఈ సమావేశంలో పార్లమెంట్ కార్యకలాపాలు, శాసన ప్రతిపాదనలు, దేశంలోని రాజకీయ, ఆర్థిక పరిస్థితులపై చర్చించినట్లు తెలుస్తోంది. ఉపరాష్ట్రపతి ఎన్నికల ప్రక్రియ, అభ్యర్థుల ఎంపిక, రాజకీయ సమీకరణాలపై కూడా సంప్రదింపులు జరిగాయని సమాచారం. ఈ భేటీ దేశ రాజకీయ వ్యవహారాల్లో కీలకమైన అడుగుగా భావిస్తున్నారు.

రాష్ట్రపతి మరియు ప్రధాని మధ్య జరిగిన ఈ చర్చలు దేశంలో స్థిరమైన పరిపాలన, రాజకీయ సమన్వయానికి దోహదపడనున్నాయని విశ్లేషకులు అభిప్రాయపడుతున్నారు. ఈ సమావేశం ద్వారా దేశంలో శాంతియుత, సమర్థవంతమైన రాజకీయ వాతావరణం కొనసాగేందుకు మరింత బలం చేకూరనుందని అంటున్నారు.

The post రాష్ట్రపతి ద్రౌపది ముర్ము తో ప్రధాని మోడీ భేటీ: కీలక చర్చలు. appeared first on TelAndra.com.

సోమవారం లోక్‌సభలో, మంగళవారం రాజ్యసభలో ‘ ఆపరేషన్ సింధూర్ ’ పై చర్చ జరగనుంది. రక్షణ మంత్రి రాజ్‌నాథ్ సింగ్ ఈ చర్చను ప్రారంభిస్తారు.

హోం మంత్రి అమిత్ షా, విదేశాంగ మంత్రి జయశంకర్‌తో పాటు బీజేపీ ఎంపీలు అనురాగ్ ఠాకూర్, నిషికాంత్ దుబే పాల్గొంటారు.

ప్రధానమంత్రి నరేంద్ర మోడీ కూడా ఈ చర్చలో మాట్లాడే అవకాశం ఉంది. రెండు సభల్లోనూ 16 గంటల పాటు ఈ అంశంపై చర్చ జరుగనుంది.

పార్లమెంటరీ వ్యవహారాల మంత్రి కిరణ్ రిజిజు మాట్లాడుతూ, అన్ని అంశాలపై ఒకేసారి చర్చ సాధ్యం కాదని, ముందుగా ఆపరేషన్ సింధూర్‌పై చర్చించాలని ప్రభుత్వం నిర్ణయించినట్లు తెలిపారు.

ప్రతిపక్షాలు బీహార్ స్పెషల్ ఇంటెన్సివ్ రివిజన్‌పై చర్చకు డిమాండ్ చేస్తున్నాయి.అయితే, మొదట ఆపరేషన్ సింధూర్‌పై చర్చ పూర్తి చేసిన తర్వాత ఇతర అంశాలపై నిర్ణయం తీసుకుంటామని రిజిజు స్పష్టం చేశారు.

గత ఐదు రోజులుగా జరిగిన పార్లమెంట్ సమావేశాల్లో ప్రతిపక్ష ఆందోళనల కారణంగా ఎలాంటి చర్చలు జరగలేదు. సభ పలుమార్లు వాయిదా పడింది.ఈ నేపథ్యంలో, సోమవారం నుంచి సభను సజావుగా నిర్వహించేందుకు కేంద్రం ప్రయత్నిస్తోంది.

ఆపరేషన్ సింధూర్‌పై చర్చలో పాకిస్తాన్‌కు సంబంధించిన ఉగ్రవాద కార్యకలాపాలు, భారత్‌పై జరిగిన దాడుల వివరాలను పార్లమెంట్ వేదికగా చర్చించనున్నారు.

విదేశీ వేదికలపై భారత్ తన వైఖరిని స్పష్టం చేసిందని, ఉగ్రవాదాన్ని ఏమాత్రం సహించేది లేదని రిజిజు తెలిపారు.

ప్రతిపక్షాలు దళితులపై దాడులు, విదేశీ విధానం వంటి ఇతర అంశాలపై కూడా చర్చ జరపాలని డిమాండ్ చేస్తున్నాయి. అయితే, ప్రస్తుతం ఆపరేషన్ సింధూర్‌పైనే ప్రభుత్వం దృష్టి సారించింది.

The post ఆపరేషన్ సింధూర్‌ పై పార్లమెంటులో చర్చ. appeared first on TelAndra.com.

భారత ప్రధాని నరేంద్ర మోడీ యునైటెడ్ కింగ్‌డమ్‌లో పర్యటిస్తున్నారు. ఈ సందర్భంగా ఆయన బ్రిటన్ ప్రధానమంత్రి కే స్టార్మర్‌తో ద్వైపాక్షిక చర్చలు జరపనున్నారు.

ఈ చర్చల్లో ఇరు దేశాల మధ్య సంబంధాలను సమీక్షించి, వాటిని మరింత బలోపేతం చేసే మార్గాలపై దృష్టి సారించనున్నారు.

ఈ పర్యటనలో భారత్-యూకే మధ్య స్వేచ్ఛా వాణిజ్య ఒప్పందం (FTA) కీలక అంశంగా నిలవనుంది. ఈ ఒప్పందానికి బ్రిటన్ క్యాబినెట్ ఇప్పటికే ఆమోదం తెలిపింది.

2030 నాటికి ఇరు దేశాల మధ్య వాణిజ్య విలువను 120 బిలియన్ డాలర్లకు రెట్టింపు చేయడం ఈ ఒప్పందం యొక్క ప్రధాన లక్ష్యం.

ఈ ఒప్పందం ద్వారా భారత్ నుంచి తోలు, పాదరక్షలు, దుస్తులు వంటి ఉత్పత్తుల ఎగుమతులపై పన్నులను తొలగించడంతో పాటు, బ్రిటన్ నుంచి విస్కీ, కార్ల దిగుమతులను చౌకగా మార్చే ప్రతిపాదనలు చోటు చేసుకున్నాయి.

అంతేకాకుండా, వస్తువులు, సేవలు, ఆవిష్కరణలు, మేధో సంపత్తి హక్కుల వంటి అంశాలు కూడా ఈ ఒప్పందంలో భాగంగా చర్చించబడ్డాయి. ఈ ఒప్పందంపై ఇరు దేశాలు త్వరలో సంతకం చేయనున్నాయి.

రెండు రోజుల పర్యటన కోసం లండన్ విమానాశ్రయంలో దిగిన ప్రధానమంత్రి మోడీకి ఘన స్వాగతం లభించింది.

ఈ పర్యటన భారత్-యూకే దేశాల మధ్య ఆర్థిక భాగస్వామ్యాన్ని మరింత బలోపేతం చేస్తుందని ఆయన పేర్కొన్నారు.

యూకేలోని భారతీయ సముదాయం నుంచి తనకు లభించిన హృదయపూర్వక స్వాగతం తనను ఎంతగానో కదిలించిందని ప్రధాని మోడీ తెలిపారు.

ఈ పర్యటన ద్వైపాక్షిక సంబంధాలను కొత్త శిఖరాలకు తీసుకెళ్లడంతో పాటు, ఇరు దేశాల మధ్య సహకారాన్ని మరింత లోతుగా చేయనుందని ఆశాభావం వ్యక్తం చేస్తున్నారు.

The post భారత ప్రధాని నరేంద్ర మోడీ యూకే పర్యటన. appeared first on TelAndra.com.

ఈ రోజు విశాఖ లో పర్యటిస్తున్న సీఎం చంద్రబాబు నాయుడు గారు, ఈ నెల 21 న 11 వ అంతర్జాతీయ యోగ దినోత్సవం సందర్భాంగా ఆంధ్రప్రదేశ్ వైజాగ్ లో యోగాంధ్ర కార్యక్రమాన్ని నిర్వహిస్తున్న ఏపీ ప్రభుత్వం. యోగాంధ్ర కార్యక్రమానికి ముఖ్య అతిధి గా హాజరు కానున్న ప్రధాని నరేంద్ర మోదీ గారు, ప్రధాని వస్తున్న కారణంగా స్వయంగా ఏర్పాట్లను పరిశీలిస్తున్న సీఎం చంద్ర బాబు నాయుడు గారు. ఆర్.కే బీచ్ నుంచి భోగాపురం వరకు 26 కిలోమీటర్లు 240 యోగ కంపార్టుమెంట్లు ఏర్పాటు చేస్తున్నారు. ప్రతి బ్లాక్ కి 1000 మంది ని ఏర్పాటు చేస్తూ ప్రతి 1000 మంది కి ఒక యోగ ట్రైనర్ ని నియమిస్తున్నారు.

ఈ ఈవెంట్ లో పాల్గొనే ప్రతి ఒక్కరికి యోగ మాట్ టీషీర్ట్ యోగ కిట్ ని అందచేస్తున్న ఏపీ ప్రభుత్వం. ప్రధాని మోడీ యోగ చేసే ప్రధాన వేదిక ని స్వయంగా పరిశీలించిన సీఎం చంద్రబాబు, VIP ల భద్రత కోసం ఎటువంటి చర్యలు తీసుకుంటున్నారు అని స్వయంగా తెలుసుకున్నారు. యోగాంధ్ర కార్యక్రమం గురించి మంత్రులతో మరియు అధికారుల తో నోవొటెల్ హోటల్ లో సమీక్షా నిర్వహించారు. ఈ కార్యక్రమాన్ని ఐదు లక్షల మంది తో నిర్వహించి రికార్డు సృష్టించాలని ఏపీ ప్రభుత్వం రికార్డ్స్ నెలకొల్పాలని భావిస్తుంది. ఈ యోగ దినోత్సవ కారక్రమాన్ని ప్రతిష్టాత్మకంగా తీసుకున్న ఏపీ ప్రభుత్వం.

The post ప్రధాని మోదీ సమక్షంలో యోగాంధ్ర-2025 appeared first on TelAndra.com.

ఈ రోజు జూన్ 6 2025 ప్రపంచం లో అతి పెద్దదైన రైల్వే వంతనగా గుర్తింపు పొందిన చీనాబ్ రైల్వే వంతెన భారత్ లోని జమ్మూ కాశ్మీర్ ప్రాంతం లో నిర్మించారు. భారత్ ప్రధాని శ్రీ నరేంద్ర మోదీ గారిచే అధికారికంగా ప్రారంభించబడినది.ఈ వంతెన ఒక ఇంజనీరింగ్ అద్భుతం అని చెప్పచ్చు. ఇది ప్రపంచం లోనే అతి పొడవైన ఐఫిల్ టవర్ కన్నా ఎత్తులో నిర్మించబడినది.

ప్రపంచం లోనే ఎత్తైన రైల్వే ఆర్చ్ బ్రిడ్జిగా చీనాబ్ బ్రిడ్జి గుర్తింపు పొందింది. ఈ వంతెన జమ్మూ మరియు శ్రీనగర్ ని కలుపుతూ సముద్ర మట్టానికి 359 మీటర్ల ఎగువన 1.3 కిలోమీటర్ల పొడవు 28660 మెట్రిక్ టన్నుల ఇనుము వాడి నిర్మించడం జరిగినది. ఈ బ్రిడ్జి గంటకి 266 కిలోమీటర్ల వేగంతో వీచే గాలులని మరియు -10 కంటే తక్కువ నుండి 40 డిగ్రీల సెల్సియస్ వరకు ఉష్ణోగ్రతలను, 8.0 రెక్టర్స్ స్కేల్ తీవ్ర భూకంపం ని తట్టుకునేలా నిర్మించారు. ఈ బ్రిడ్జిని 40 TNT బ్లాస్ట్ ని సైతం తట్టుకునే ల ప్రత్యేకమైన ఉక్కు ని వాడి నిర్మించారు. ఈ బ్రిడ్జి 120 ఏళ్ళు జీవత కాలం ఉండేలా దీని పై నడిచే రైల్ గంటకి 100 కిలోమీటర్ల వేగం తో వెళ్లేలా నిర్మాణం చేసారు.

ప్రధాని నరేంద్ర మోదీ ఈ రోజు జమ్మూ కాశ్మీర్‌లో చీనాబ్ రైలు వంతెన మరియు అంజి వంతెన ప్రారంభించారు. భారతదేశం నిర్మాణ రంగంలో ఎంత ముందుకెళ్లిందో, ప్రపంచానికి చూపించేలా రెండు అద్భుత వంతెనలను చీనాబ్ రైలు వంతెన మరియు అంజి వంతెన ప్రారంభించారు.ఇవి కేవలం వంతెనలు కాదు. ఇవి మన దేశ అభివృద్ధికి, కలలకు, మన సామర్థ్యానికి వంతెనలు.

చిన్న చిన్న గ్రామాలూ, పర్వతాల మధ్య నుంచి వెళ్లే ఈ వంతెనలు కేవలం కాంక్రీటు, ఉక్కుతో చేసిన నిర్మాణాలు కావు. ఇవి భారతదేశ ప్రజల కలల్ని, ఎంతోకాలంగా ఎదురుచూస్తున్న అభివృద్ధి ఆశల్ని నెరవేర్చే ప్రతీకలు. అలానే, వందే భారత్ రైళ్లు కూడా ఈ రోజే ప్రారంభించారు. కత్రా నుంచి శ్రీనగర్ వరకూ వేగంగా, సౌకర్యవంతంగా ప్రయాణించేందుకు ఈ రైళ్లు ఎంతో ఉపయోగపడతాయి. మంచు పడే కాశ్మీర్ వాతావరణంలోనూ ఇవి చక్కగా పనిచేసేలా ప్రత్యేకంగా డిజైన్ చేశారు.

అలాగే, ఈ ప్రాజెక్టుల వల్ల కేవలం ప్రయాణ సౌలభ్యం మాత్రమే కాదు వాణిజ్యం పెరుగుతుంది, పర్యాటకం బాగా అభివృద్ధి అవుతుంది, కాశ్మీర్ ప్రజలకు మరింత అవకాశాలు వస్తాయి. ఇంకొక ముఖ్యమైన విషయం ఈ వంతెనలను నిర్మించిన ఇంజనీర్లూ, కార్మికులూ చేసిన తపనకు మోదీ గారు కృతజ్ఞతలు తెలిపారు. ఎత్తయిన పర్వతాల మధ్య నిర్మాణం అంటే మాటలు కాదు ఇది నిజంగా కృషి, నిబద్ధత.

తాజాగా జరిగిన పహల్గామ్ ఉగ్రదాడిని గట్టిగా ఖండించిన ఆయన, “భారతదేశాన్ని ఆగకుండా అభివృద్ధి పథంలో నడిపించడమే మన అసలైన జవాబు,” అన్నారు. కాశ్మీర్‌లో శాంతి, పర్యాటకం, అభివృద్ధి కలగాలంటే ఉగ్రవాదానికి తావుండకూడదని స్పష్టంగా చెప్పారు.

The post చీనాబ్ రైలు వంతెన మరియు అంజి వంతెన ప్రారంభం. appeared first on TelAndra.com.

ఆపరేషన్ సిందూర్ తర్వాత జాతిని ఉద్దేశించి చేసిన తొలి ప్రసంగంలో, ప్రధానమంత్రి నరేంద్ర మోది గారు సోమవారం మాట్లాడుతూ, ఈ సందర్భంగా మన దేశ సైన్యానికి, గూఢచార సంస్థలకు, శాస్త్రవేత్తలకు, ప్రతి భారతీయుడి తరపున శిరసు వంచి నమస్కరిస్తున్నా అన్నారు. దేశంలోని మహిళల నుదిటి నుండి ‘సిందూర్’ (సిందూర్) లాక్కుంటే ఏమి జరుగుతుందో భారతదేశం ప్రపంచానికి తెలియజేసింది అన్నారు.

పహల్గామ్ దాడి:

ఏప్రిల్ 22న జరిగిన పహల్గామ్ ఉగ్రవాద దాడిని ఉగ్రవాదం యొక్క అనాగరిక ముఖంగా అభివర్ణించిన, సెలవులు జరుపుకుంటున్న నిరపరాధులను, వారి కుటుంబాల ముందు, పిల్లల ముందు కిరాతకంగా హతమార్చడం ఉగ్రవాదం యొక్క దిగ్భ్రాంతికర రూపాన్ని చూపింది. “అది తనకు వ్యక్తిగతంగా చాలా బాధని కలిగించింది అన్నారు”.

ఈ దాడి తర్వాత దేశం మొత్తం, ప్రతి పౌరుడు, సమాజం, రాజకీయ పక్షలు ఏకతాటిపై నిలిచి ఉగ్రవాదానికి వ్యతిరేకంగా కఠిన చర్యలు తీసుకోవాలని డిమాండ్ చేసింది అన్నారు.

న్యాయం కోసం యుద్ధం :

మే 7న పాకిస్తాన్‌లోని తొమ్మిది ఉగ్రవాద శిబిరాలను లక్ష్యంగా చేసుకుని క్షిపణులు మరియు డ్రోన్‌లతో కూడిన దాడులతో ప్రారంభమైన పహల్గామ్ ఉగ్రవాద దాడికి ప్రత్యక్ష ప్రతిస్పందనగా ఆపరేషన్ సిందూర్‌ను మోదాహాలు పెట్టిన భరత్ . ఈ ఆపరేషన్‌లో భాగంగా, 100 మందికి పైగా ఉగ్రవాదులను హతమార్చాము అన్నారు. ఆపరేషన్ సింధూర్ అనేది కేవలం పేరు కాదు. ఇది దేశంలోని లక్షలాది మంది ప్రజల భావాలను ప్రతిబింబిస్తుంది . ఇది న్యాయం కోసం చేసిన అవిచ్ఛిన్న ప్రతిజ్ఞ.

ఫౌలాదీ నిర్ణయాలు :

దేశం ఏకమై, ‘నేషన్ ఫస్ట్’ భావనతో నిండినప్పుడు, ఫౌలాదీ నిర్ణయాలు తీసుకోబడతాయి. భారత మిస్సైళ్లు, డ్రోన్‌లు పాకిస్తాన్‌లోని ఉగ్ర శిబిరాలపై దాడి చేసినప్పుడు, ఉగ్రవాద సంస్థల భవనాలతో పాటు వారి ధైర్యం కూడా వణికిపోయింది. బహవల్పూర్, మురీద్ వంటి ఉగ్ర శిబిరాలు గ్లోబల్ టెర్రరిజం యూనివర్సిటీలుగా ఉండేవి. భారత్‌లో దశాబ్దాలుగా జరిగిన భారీ ఉగ్ర దాడుల వెనుక ఈ శిబిరాల పాత్ర ఉంది. మన సోదరీమణుల సిందూరాన్ని ఉగ్రవాదులు నాశనం చేశారు, కానీ భారత్ ఈ ఉగ్రవాద కేంద్రాలను నాశనం చేసింది.పాకిస్తాన్ ఆర్మీ భారత్ కి వ్యతిరేకంగా ఉగ్రవాదులు పెంచిపోషిస్తుంది అన్నారు.ఉగ్రవాదులు మరణిస్తే పాకిస్తాన్ ఆర్మీ మొత్తం కంట తడి పెట్టింది అన్నారు.

భయాందోళన లో పాకిస్థాన్ :

భారత్ త్రివిధ దళాలు ఉగ్ర స్థావరాలపై దాడి చేసిన తరువాత ఉగ్రవాదాన్ని అంతు చేయాల్సిన పాకిస్థాన్ మన పై ఎదురు దాడి చేసింది ఐతే పాకిస్థాన్ డ్రోన్స్ భారత్ లో కి రాలేకపోయాయి .కానీ మనం పాకిస్థాన్ గుండెల్లో బాంబు పేల్చాము పాక్ లో ని ఎయిర్ బేస్ లకు తీవ్రంగా నష్టం చేసాం పాకిస్థాన్ వాయు రక్షణ వ్యవస్థను నిర్మూలంగా నాశనం చేసాము ఈ దెబ్బ తో బెంబేలెత్తి పోయిన పాకిస్తాన్ శాంతి కోసం అంతర్జాతీయంగా వేడుకోవడం మొదలుపెట్టింది.

కొత్త లక్ష్యాలు :

మే 10న పాకిస్తాన్ సైన్యం మన డీజీఎంఓను సంప్రదించి, ఇకపై ఉగ్రవాద చర్యలు, సైనిక దుస్సాహసాలు ఉండవని హామీ ఇచ్చింది. అందుకే, మేము మా జవాబు చర్యలను తాత్కాలికంగా నిలిపివేశాము. రాబోయే రోజుల్లో పాకిస్తాన్ ఉగ్రవాదం అణ్వాయుధ పేరుతో బెదిరింపులను కి దిగితే . భారతదేశం ఆటువంటి “అణు బ్లాక్‌మెయిల్”ను సహించదని, పాకిస్తాన్‌పై ఆపరేషన్ సిందూర్‌ను కేవలం నిలిపివేసామ్ పాకిస్తాన్ ప్రవర్తనను ఈ కోణంలో పరిశీలిస్తాము. భారత సైన్యం, వాయుసేన, నౌకాదళం, సరిహద్దు భద్రతా దళం (బీఎస్ఎఫ్) అప్రమత్తంగా ఉన్నాయి. ఆపరేషన్ సిందూర్ ఉగ్రవాదానికి వ్యతిరేకంగా భారత్ యొక్క కొత్త విధానం. ఇది ఉగ్రవాదంతో పోరాడటానికి కొత్త ప్రమాణాలను నిర్దేశించింది.

మూడు కీలక సూత్రాలు :

1.  భారత్‌పై ఉగ్ర దాడి జరిగితే, ముఖం తడమకుండా జవాబు ఇస్తాము. మా నిబంధనలతో, మా విధానంలో చర్య తీసుకుంటాము.

2.  అణ్వాయుధ బెదిరింపులను భారత్ సహించదు. అటువంటి బెదిరింపుల ఆడ ఉగ్ర శిబిరాలపై ఖచ్చితమైన దాడులు చేస్తాము.

3.  ఉగ్రవాదానికి ప్రోత్సాహం ఇచ్చే ప్రభుత్వాలను, ఉగ్రవాద నాయకులను వేరుగా చూడము.

మేడ్ ఇన్ ఇండియా ఆయుధాల శక్తి :

ఈ ఆపరేషన్‌లో మేడ్ ఇన్ ఇండియా ఆయుధాలు తమ సామర్థ్యాన్ని నిరూపించాయి. 21వ శతాబ్దపు యుద్ధ సాంకేతికతలో భారత రక్షణ సామగ్రి తన స్థానాన్ని సుస్థిరం చేసింది. రణరంగంలో పాకిస్తాన్‌ను పదే పదే ఓడించిన భారత్, ఈ సారి ఆపరేషన్ సిందూర్‌తో కొత్త ఒరవడిని సృష్టించింది.

ఐక్యతే మన బలం :

ఉగ్రవాదానికి వ్యతిరేకంగా మన ఐక్యతే మన గొప్ప బలం. ఈ యుగం యుద్ధానిది కాదు, కానీ ఉగ్రవాదానిది కూడా కాదు. ఉగ్రవాదంపై సున్నా సహనం మానవాళికి మంచి భవిష్యత్తును అందిస్తుంది. పాకిస్తాన్ తన ఉగ్రవాద మౌలిక సదుపాయాలను నాశనం చేయకపోతే, అది తనను తాను నాశనం చేసుకుంటుంది. భారత్ యొక్క విధానం స్పష్టం—ఉగ్రవాదం, చర్చలు ఒకేసారి సాగవు. ఉగ్రవాదం, వాణిజ్యం కలిసి నడవవు. రక్తం, నీరు ఒకే మార్గంలో ప్రవహించవు.

శాంతి కోసం శక్తి :

ఈ రోజు బుద్ధ పూర్ణిమ. భగవాన్ బుద్ధుడు శాంతి మార్గాన్ని చూపించారు. కానీ శాంతి కూడా శక్తి ద్వారానే సాధ్యమవుతుంది. భారత స్వప్నం సాకారం కావాలంటే, భారతం శక్తివంతంగా ఉండాలి. గత కొన్ని రోజుల్లో భారత్ ఈ శక్తిని ప్రదర్శించింది. మరోసారి భారత సైన్యానికి, సశస్త్ర బలగాలకు సలాం చేస్తూ, ప్రతి భారతీయుడి ఐక్యతా సంకల్పాన్ని నమస్కరిస్తున్నాను.

The post ఆపరేషన్ సిందూర్ పై భారత్ ప్రధాని వివరణ . appeared first on TelAndra.com.

ఆంధ్రప్రదేశ్ రాజధానిగా అమరావతిని చంద్రబాబు నాయుడు గారు స్థాపించి, దానిని ఆంధ్రప్రదేశ్ రాష్ట్ర కొత్త రాజధాని నగరంగా ప్రకటించారు. అయితే ఇలా ప్రకటించడం ఇది రెండోసారి.

మొదటిసారి 2014 లో ఆంధ్రప్రదేశ్ విభజన తర్వాత అధికారంలోకి వచ్చిన ముఖ్యమంత్రి అయిన నారా చంద్రబాబు నాయుడు గారి  ప్రభుత్వం అన్ని పార్టీల అంగీకారంతో గుంటూరు – విజయవాడ ప్రాంతంలో రాజధాని నిర్మించటానికై ఈ ప్రాంతాన్ని ఎంపిక చేసుకొని దీనికి అమరావతి అని పేరు పెట్టడానికి నిర్ణయించారు.

అక్టోబర్ 22 2014 న విజయ దశమి పర్వదినం నాడు ప్రధానమంత్రి నరేంద్ర మోదీ గారిచే ఆంధ్రప్రదేశ్ రాజధాని గా అమరావతికి శంకుస్థాపన కూడా చేసారు.

అమరావతి రాజధాని అభివృద్ధి జరగాలి అని కోరుకుంటు, భారత్ పార్లమెంట్ ప్రాంగణం నుంచి మట్టి మరియు ఎంతో పవిత్రమైన యమునా నది నుంచి జలంని తీసుకొచ్చాను అని చెప్పారు మోదీ గారు .

ఆనాడు ఆంధ్రప్రదేశ్ రాజధాని అమరావతి శంకుస్థాపనకి కేంద్రం నుంచి మంత్రులు, తెలంగాణ ముఖ్యమంత్రి కేసీఆర్ గారు, ఇతర రాష్ట్ర గవర్నర్ లు, జపాన్ దేశ మంత్రులు అతిధులుగా వచ్చారు.

ఆ తర్వాత 2019 లో జరిగిన ఎన్నికల్లో చంద్రబాబు గారి ప్రభుత్వం ఓటమి పాలు అయ్యి జగన్ గారి ప్రభుత్వం ఏర్పడిన తరువాత అమరావతి అంటే తనకి ఏమి కోపం లేదు అని. అన్ని ప్రాంతాలు అభివృద్ధి చెందాలి అని చెప్పుతూ మూడు రాజధానులను ప్రతిపాదించింది.

అవి విశాఖపట్నంని కార్యనిర్వాహక రాజధానిగా, అమరావతిని శాసనసభ రాజధానిగా మరియు కర్నూలును న్యాయవ్యవస్థ రాజధాని గా ఏర్పాటు చేస్తానన్నారు అప్పటి ముఖ్యమంత్రి జగన్ గారు . కాగా 2025 ఎన్నికల ఫలితాల తర్వాత ఈ రాజధాని అంశం తేర పైకి వచ్చింది.

మళ్ళీ ఇప్పుడు చంద్రబాబు ప్రభుత్వం ఏర్పడ్డాక అమరావతినే ఆంధ్రప్రదేశ్ రాజధాని గా నిర్ణయించారు. మళ్ళీ ఆంధ్రప్రదేశ్ రాజధాని అమరావతి పునః ప్రారంభోత్సవ సభను ఏర్పాటు చేస్తున్నారు. అయితే ఈ సభ కు 5 లక్షల జనాభా రానున్నారు అని అంచనా.

సీఎం చంద్రబాబు గారు ఎప్పటికప్పుడు రాజధాని పనుల గురించి అధికారులతో, మంత్రులతో మాట్లాడుతూ ఏర్పాటులకు ఏ లోటు లేకుండా చూసుకోవాల్సింది గా అధికారులకు దిశా నిర్దేశం చేశారు.

The post పునః ప్రారంభమవుతున్న అమరావతి. appeared first on TelAndra.com.