సింగపూర్‌లో ఏప్రిల్ నెలతో పోలిస్తే మే నెలలో కోవిడ్ కేసులు 28 శాతం పెరిగాయి. అదే సమయంలో ఆసుపత్రిలో చేరుతున్నవారి సంఖ్య 30 శాతం పెరిగింది. హాంగ్‌కాంగ్‌లో పరిస్థితి మరింత ఆందోళనకరంగా ఉంది. ఈ ఏడాది ఇప్పటివరకు హాంగ్‌కాంగ్‌లో కోవిడ్ కారణంగా 31 మంది మరణించారు.

అయితే, భారత్‌లో ప్రస్తుతానికి  కోవిడ్ ప్రభావం పెద్దగా కనిపించడం లేదు. కేంద్ర ఆరోగ్య శాఖ వెల్లడించిన వివరాల ప్రకారం, దేశంలో ప్రస్తుతం 257 కోవిడ్ కేసులు నమోదయ్యాయి, వీటిలో అందరికీ స్వల్ప లక్షణాలు (మైల్డ్ సింటమ్స్) మాత్రమే ఉన్నాయి.

ఇదిలా ఉండగా, ప్రముఖ నటుడు మహేష్ బాబు భార్య నమ్రత శిరోద్కర్ సోదరి శిల్పా శిరోద్కర్‌కు కోవిడ్ లక్షణాలు బయటపడ్డాయి. ఈ సందర్భంగా ఆమె సోషల్ మీడియా ద్వారా ప్రజలు జాగ్రత్తగా ఉండాలని సూచించారు.

కరోనా మళ్లీ విజృంభిస్తున్న నేపథ్యంలో, అందరూ మాస్క్ ధరించడం, సామాజిక దూరం పాటించడం వంటి జాగ్రత్తలు తీసుకోవాలని నిపుణులు సూచిస్తున్నారు.

The post కరోనా మళ్లీ కలకలం. appeared first on TelAndra.com.