తెలుగు రాష్ట్రాలు తెలంగాణ, ఆంధ్రప్రదేశ్‌లోని డిస్ట్రిక్ట్ కాంగ్రెస్ కమిటీ (డీసీసీ) అధ్యక్షులకు శిక్షణా తరగతులు అనంతగిరి హిల్స్‌లోని హరిత హోటల్‌లో జరుగుతున్నాయి. ఈ రెండు రోజుల కార్యక్రమాలు ఇవాళ ముగుస్తాయి. ముగింపు సమావేశానికి రాహుల్ గాంధీ ముఖ్య అతిథిగా హాజరవుతారు. ఉదయం 10:30 గంటలకు డీసీసీ అధ్యక్షులు, పార్టీ కీలక నేతలతో సమావేశమవుతారు. పార్టీని బలోపేతం చేయడం, ప్రజలకు చేరువ చేయడం వంటి అంశాలపై దిశానిర్దేశం చేస్తారు.

టీపీసీసీ చీఫ్ మహేష్ కుమార్ గౌడ్, ముఖ్యమంత్రి రేవంత్ రెడ్డి, మంత్రులు, పార్టీ ముఖ్య నేతలు ఈ కార్యక్రమంలో పాల్గొంటున్నారు. శిక్షణా తరగతులు కేవలం డీసీసీలకు పరిమితం కాకుండా, పార్టీ విస్తరణకు సంబంధించిన వ్యూహాలపై దృష్టి సారిస్తాయి. సాయంత్రం 5 గంటలకు తిరిగి శంషాబాద్ ఎయిర్‌పోర్టుకు చేరుకుని, అక్కడి నుంచి ఢిల్లీకి ప్రయాణమవుతారు.

ఈ పర్యటనలో శిక్షణా తరగతులతో పాటు ఇతర కీలక అంశాలపైనా చర్చలు జరగనున్నాయి. తెలంగాణ నుంచి ఖాళీ అవుతున్న రాజ్యసభ స్థానాలకు అభ్యర్థుల ఎంపికపై నిర్ణయం తీసుకునే అవకాశం ఉంది. సామాజిక సమీకరణాలు, పార్టీ విధేయతలను ప్రాతిపదికగా పేర్లను ఖరారు చేయవచ్చు. అలాగే, మావోయిస్ట్ మాజీ అగ్రనేతలను కలిసి, ప్రజా సమస్యలు, క్షేత్రస్థాయి పరిస్థితులపై చర్చించే అవకాశం కూడా ఉంది. ఈ పర్యటన తెలంగాణ కాంగ్రెస్‌కు నూతన ఉత్తేజాన్ని ఇస్తుందని పార్టీ వర్గాలు భావిస్తున్నాయి.

The post రాహుల్-ఖర్గే వికారాబాద్ పర్యటన: డీసీసీలకు దిశానిర్దేశం appeared first on TelAndra.com.

కాంగ్రెస్ పార్టీ అత్యధిక వార్డులు, మున్సిపాలిటీలు గెలుచుకుంది. బీఆర్ఎస్, బీజేపీలు కొన్ని ప్రాంతాల్లో మాత్రమే బలంగా నిలబడ్డాయి. ఆదిలాబాద్ మున్సిపాలిటీలో బీజేపీ ముందంజలో నిలిచి 21 వార్డులు సాధించగా, కాంగ్రెస్ 11, బీఆర్ఎస్ 6 స్థానాలకు పరిమితమైంది. అసిఫాబాద్‌లో బీఆర్ఎస్ 8-9 వార్డులు గెలిచి ఆధిక్యం చాటింది. కాగజ్‌నగర్‌లో బీఆర్ఎస్ 11, కాంగ్రెస్ 8 స్థానాలు దక్కాయి.

బెల్లంపల్లిలో కాంగ్రెస్, బీఆర్ఎస్ రెండూ 14-14 వార్డులతో సమబలం సాధించాయి. చెన్నూరులో కాంగ్రెస్ 11 వార్డులతో ఆధిక్యం చూపించింది. క్యాతనపల్లిలో బీఆర్ఎస్ 10 వార్డులు గెలిచి మెజారిటీ దిశగా దూసుకెళ్లింది, స్వతంత్రులు కీలకంగా మారారు.

బీఆర్ఎస్ చివరి దశలో బలమైన ప్రచారం చేసినా, కేటీఆర్, హరీష్ రావు లాంటి నాయకులు ఊపిరి పోయే ప్రయత్నాలు చేసినా అధికార పార్టీ బలాన్ని తట్టుకోలేకపోయింది. అధికార లాభం కాంగ్రెస్‌కు బాగా పనిచేసింది. బీఆర్ఎస్ ఫలితాలపై సమీక్ష చేసుకోవాల్సిన అవసరం ఉంది. మొత్తంగా పట్టణ ప్రజలు కాంగ్రెస్ పాలనపై విశ్వాసం చూపారు.

The post మున్సిపల్ ఫలితాలు: కాంగ్రెస్ జోరు, బీఆర్ఎస్‌కు షాక్ appeared first on TelAndra.com.

కౌంటింగ్ ట్రెండ్స్: మొదటి రౌండ్ నుంచే ఆధిక్యం
కౌంటింగ్ ప్రారంభమైనప్పటి నుంచే కాంగ్రెస్ ఆధిక్యంలో ఉంది. మొదటి రౌండ్‌లో 47 ఓట్ల మెజారిటీతో మొదలై, రెండో రౌండ్‌లో 2,947, మూడో రౌండ్‌లో 3,100 ఓట్ల తేడాతో పెరిగింది. 10 రౌండ్లలోనూ నవీన్ లీడ్‌లోనే ఉండి, బీఆర్ఎస్‌ను దూరంగా వదిలేశారు. బీఆర్ఎస్‌కు 2023 ఎన్నికల కంటే తక్కువ ఓట్లు (74,259) వచ్చాయి. బీజేపీ అభ్యర్థి లంకల దీపక్ రెడ్డి కేవలం 17,061 ఓట్లతో డిపాజిట్ కోల్పోయారు.

విజయానికి కారణాలు: వ్యూహాత్మక ప్రణాళిక
సీఎం ఏ. రేవంత్ రెడ్డి, డిప్యూటీ సీఎం మల్లు భట్టి విక్రమార్క సహా కాంగ్రెస్ నేతల వ్యూహాలు కీలకం. అభ్యర్థి ఎంపిక నుంచి పోలింగ్ వరకు పక్కా ప్లాన్‌తో ముందుకు సాగారు. డివిజన్ల వారీగా మంత్రులకు బాధ్యతలు అప్పగించి, ఎప్పటికప్పుడు రివ్యూలు చేస్తూ వ్యూహాలు సర్దుబాటు చేశారు. పార్టీ టీమ్‌వర్క్, పోల్ మేనేజ్‌మెంట్ ప్లస్‌గా నిలిచాయి. ఇక్కడి 48.47% వోటర్ టర్నౌట్‌లో కాంగ్రెస్ ప్రజల ఆదరణ పొందింది.

పరిణామాలు: రేవంత్ ఇమేజ్‌కు బూస్ట్
ఈ గెలుపు కాంగ్రెస్‌కు స్థానిక సంస్థల ఎన్నికల ముందు పెద్ద బూస్ట్. బీఆర్ఎస్ బలమైన సీటును కోల్పోవడంతో పార్టీలో కలవరం. సీఎం రేవంత్ రెడ్డి ప్రభుత్వంపై ప్రజలు భరోసా చూపారని నవీన్ యాదవ్ చెప్పుకున్నారు. “ప్రజల అచంచలమైన మద్దతుకు ధన్యవాదాలు” అని అన్నారు. ఈ విజయంతో రేవంత్ ఇమేజ్ మరింత పెరిగింది. హైదరాబాద్‌లో కాంగ్రెస్ ఆధిపత్యం బలపడింది.

The post జూబ్లీహిల్స్ ఉపఎన్నిక: కాంగ్రెస్‌కు గ్రాండ్ విక్టరీ! appeared first on TelAndra.com.

సివిల్ లైన్స్‌లోని అధికారిక నివాసంలో ఈ ఉదయం జరిగిన ఈ ఘటనలో, రాజేష్ మొదట పత్రాలు అందించి, తర్వాత అరుస్తూ దాడి చేశాడు. భద్రతా సిబ్బంది అతడిని అదుపులోకి తీసుకున్నారు. ఈ ఘటనతో రేఖా గుప్త షాక్‌కు గురై, ఆమెను ఆసుపత్రికి తరలించారు. రాజకీయ పక్షాలు ఈ దాడిని ఖండించాయి. ఇది ప్రత్యర్థుల కుట్ర కావచ్చని మంత్రి మంజీందర్ సింగ్ శిశులా అనుమానించారు. ప్రజాస్వామ్యంలో హింసకు తావులేదని, నిందితులపై కఠిన చర్యలు తీసుకోవాలని ప్రతిపక్ష నేత అతిషి పేర్కొన్నారు. సీఎంకే రక్షణ లేనప్పుడు సాధారణ మహిళల స్థితి ఏమిటని ఢిల్లీ కాంగ్రెస్ అధ్యక్షుడు దేవేంద్ర యాదవ్ ఆందోళన వ్యక్తం చేశారు.

The post ఢిల్లీ ముఖ్యమంత్రి రేఖా గుప్త పై దాడి: కొత్త మలుపు appeared first on TelAndra.com.

కేటీఆర్‌ పై తీవ్ర విమర్శలు :

రాష్ట్ర మంత్రి పొన్నం ప్రభాకర్, బీఆర్ఎస్ నాయకుడు కేటీఆర్‌పై విమర్శలు గుప్పించారు. బీఆర్ఎస్ ప్రభుత్వమే శాశ్వతంగా ఉంటుందని, ఆ పార్టీ హయాంలోనే రాష్ట్రం బాగుందనే భ్రమల్లో కేటీఆర్ ఉన్నారని ఆయన ఎద్దేవా చేశారు. అధికారం శాశ్వతం కాదని, బీఆర్ఎస్ లేకుండా రాష్ట్రం అభివృద్ధి చెందలేదనే అపోహ నుంచి బయటకు రావాలని సూచించారు. ప్రస్తుత ప్రభుత్వం ప్రజల కోసం అనేక అభివృద్ధి కార్యక్రమాలు చేపడుతోందని, కేటీఆర్ ఆరోపణలు అవాస్తవమని స్పష్టం చేశారు.

బీసీ ఆర్డినెన్స్‌పై క్యాబినెట్ చర్చ :

బీసీ ఆర్డినెన్స్ విషయంపై మంత్రి మాట్లాడుతూ, ఈ అంశంపై క్యాబినెట్‌లో చర్చించి తగిన నిర్ణయం తీసుకుంటామని తెలిపారు. ఈ ఆర్డినెన్స్ ప్రస్తుతం గవర్నర్ వద్ద పెండింగ్‌లో ఉందని, ఇప్పటికే ఢిల్లీలో ప్రెజెంటేషన్ ఇచ్చి రాష్ట్ర అవసరాలను వివరించామని చెప్పారు. క్యాబినెట్ సమావేశం తర్వాత ప్రెస్ బ్రీఫింగ్‌లో పూర్తి వివరాలు వెల్లడిస్తామని హామీ ఇచ్చారు.

రేషన్ కార్డుల పంపిణీ: ప్రజల సంతోషం :

రేషన్ కార్డుల పంపిణీపై స్పందిస్తూ, హుస్నాబాద్‌లో ఇటీవల జరిగిన పర్యటనలో ప్రజలు సంతోషంగా ఉన్నారని మంత్రి తెలిపారు. గత పదేళ్లుగా రేషన్ కార్డులు అందని వారికి ఇప్పుడు అవకాశం కల్పించామని, ఇందిరమ్మ ఇళ్లు, సన్న బియ్యం వంటి కార్యక్రమాలతో ప్రజలు సంతృప్తిగా ఉన్నారని వెల్లడించారు. ఈ కార్యక్రమాలు ప్రజల జీవన ప్రమాణాలను మెరుగుపరుస్తున్నాయని ఆయన అన్నారు.

యూరియా కొరత : కేంద్రానికి డిమాండ్

యూరియా కొరతపై మాట్లాడుతూ, ఇది కేంద్ర ప్రభుత్వం పరిధిలోని అంశమని, రాష్ట్రంలో యూరియా ఉత్పత్తి జరగదని పొన్నం స్పష్టం చేశారు. కేంద్రం తగినంత యూరియా సరఫరా చేస్తే రైతులకు ఎటువంటి ఇబ్బంది ఉండదని, ఈ సమస్యను పరిష్కరించాలని కేంద్రాన్ని కోరినట్లు తెలిపారు. తెలంగాణకు యూరియా కేటాయింపులో అన్యాయం జరిగితే ప్రజలు సహించరని హెచ్చరించారు. రైతుల సంక్షేమం కోసం ప్రభుత్వం కట్టుబడి ఉందని డిమాండ్ చేశారు.

The post కేటీఆర్‌పై విమర్శలు : అపోహలతో రాష్ట్రాన్ని తప్పుదారి పట్టించొద్దు. appeared first on TelAndra.com.

తెలంగాణలో జూబిలీహిల్స్ నియోజకవర్గానికి చెందిన BRS ఎమ్మెల్యే మాగంటి గోపినాథ్ గారు తుది శ్వాసను విడిచారు. మాగంటి గోపినాథ్ గారు గత కొన్ని రోజుల గా ఆరోగ్య సమస్య తో గచ్చిబౌలి AIG హాస్పిటల్స్ లో చికిత్స పొందుతుండగా జూన్ 8 2025 ఉదయం 5.45 నిమిషాలకు గుండె పోటుతో మృతి చెందారు. గత సంవత్సరంగా గోపినాథ్ గారు అనారోగ్య సమస్యలు కారణంగా AIG హాస్పిటల్స్ లో చికిత్స పొందుతున్నారు,కిడ్నీ సమస్య కూడా ఉండడం తో డయాలసిస్ కూడా తీస్కుంటున్నారు. ఈ సమయం లోనే వారికీ హార్ట్ ఎటాక్ రావడం తో చనిపోయారు.

మాగంటి గోపినాథ్ గారు 1963 జూన్ 2 న హైదర్‌గూడ లో కృష్ణమూర్తి, మహానంద కుమారి గార్లకి జన్మించారు. 1980 లో ఇంటర్మీడియట్, 1983 లో గ్రాడ్యుయేషన్ పూర్తి చేసారు. గోపినాథ్ గారికి సునీత గారితో వివాహామైయింది. వారికీ ఒక కుమారుడు,ఇద్దరు కుమార్తెలు. ఎన్టీఆర్ గారు పార్టీ స్థాపించిన రోజుల్లో తెలుగు దేశం పార్టీ లోఆయన రాజకీయ ప్రస్థానం మొదలయింది. 1985 నుంచి 1992 ఉమ్మడి ఆంధ్ర ప్రదేశ్ కి తెలుగు యువత అధ్యక్షులు గా ఉన్నారు. 1987 నుంచి 1988 వరకు హైదరాబాద్ అర్బన్ డెవలప్మెంట్ అథారిటీ డైరెక్టర్ గా పనులు చేపట్టారు. 2014 లో మొట్ట మొదటి సారి టీడీపీ ఎమ్మెల్యే అయ్యారు. తరువాత 2018 మరియు 2023 లో బీఆర్ఎస్ ఇప్పటివరకు కూడా ఎమ్మెల్యే హోదా లో ఉన్నారు, గోపినాథ్ గారి మరణం బీఆర్ఎస్ కి తీరని లోటు.

చాల చిన్న వయసు లో రాజకీయం లో కి అడుగు పెట్టిన గోపినాథ్ గారికి చాల మంది తో మంచి అనుబంధం ఉంది రాజకీయాల్లో మంచి పేరు ఉంది, జూబిలీ హిల్స్ నియోజకవర్గం లో ఉన్న ఆయన బస్తి లో ఉన్న ప్రజలకి ఏ లోటు లేకుండా అన్ని సదుపాయాలు ఉండేలా చూసుకున్నారు, బస్తి లో ఉన్న నీటి కొరత ను గుర్తించి వారికి నీటి సదుపాయాలని ఇచ్చారు. మాస్ లీడర్ గా గుర్తింపు తెచుకున్నారు, కేటీఆర్ కి సన్నిహితుడు గా, కేసీఆర్ కి శిష్యుడు గా రాజకీయాలో వారికంటూ చెరగని ముద్ర వేసుకున్నారు.

గోపినాథ్ గారి మరణ వార్త విని సీఎం రేవంత్ రెడ్డి గారు, కేసీఆర్ గారు, కేటీఆర్ గారు, హరీష్ రావు గారు పలువురు ప్రముఖులు తీవ్ర దిగ్బ్రాంతి ని ప్రకటించారు వారి కుటుంబానికి ప్రగాఢ సానుభూతి ని తెలిపారు. గోపినాథ్ మృతదేహాన్ని చూడగానే కన్నీరు పెట్టుకున్న మాజీ సీఎం కేసీఆర్, వారి కుటుంబాన్ని పరామర్శించారు.

సీఎం రేవంత్ రెడ్డి గారు గోపినాథ్ గారి అంత్యక్రియల బాధ్యత అంత ప్రభుత్వమే చేపడుతుంది అని చెప్పారు. వారి అంతిమ యాత్ర లో కేటీఆర్ మరియు హరీష్ రావు గారు స్వయంగా  వారి పాడె ను మోసి నివాళులు అర్పించ్చారు. మధ్యాహ్నం 3 – 4 గంటలకు జూబిలీ హిల్స్ మహాప్రస్థానం వద్ద ఏర్పాటు చేసారు భౌతిక దేహాన్ని మాదాపూర్ నివాసం నుంచి ర్యాలీ చేస్తూ మహాప్రస్థానం వరకు తరలించారు. అంత్యక్రియలు కార్యక్రమం లో పోలీస్ లు గౌరవ వందనాలు మూడు రౌండ్లు కాల్పులు ఘనంగా పేల్చారు.

The post జూబిలీహిల్స్ BRS ఎమ్మెల్యే మాగంటి గోపినాథ్ గారు ఇక లేరు. appeared first on TelAndra.com.