రాబోయే రోజుల్లో ఉష్ణోగ్రతలు మరింత పెరిగే అవకాశం ఉందని అధికారులు హెచ్చరిస్తున్నారు. నిజామాబాద్, భద్రాచలం వంటి ప్రాంతాల్లో వేడిగాలులు వీచే ఛాన్స్ ఉంది. మార్చి, ఏప్రిల్, మే నెలల్లో ఎండలు మరింత తీవ్ర రూపం తీసుకునే అవకాశాలు ఉన్నాయని వాతావరణ నిపుణులు తెలిపారు.

ప్రస్తుతం ఉదయం సమయంలో చలి అనుభూతి కలుగుతుంది. మధ్యాహ్నం విపరీతమైన ఎండ కొడుతోంది. దిగువ స్థాయిలో ఆగ్నేయ దిశ నుంచి గాలులు వీస్తున్నందున గత రెండు రోజులుగా చలి కొంత పెరిగింది. రాష్ట్రవ్యాప్తంగా కనిష్ఠ ఉష్ణోగ్రతలు 15 డిగ్రీల నుంచి 20 డిగ్రీల మధ్య నమోదవుతున్నాయి. రాజేంద్రనగర్‌లో 15 డిగ్రీలు, హైత్‌నగర్, పఠాన్‌చేరులో 16 డిగ్రీల వరకు చలి ఉంది. గరిష్ట ఉష్ణోగ్రతలు 30 నుంచి 34 డిగ్రీల మధ్య ఉన్నాయి.

ఈ నెల చివరికి వాతావరణంలో మార్పులతో చలి తగ్గి, ఎండ వాతావరణం ప్రారంభమయ్యే అవకాశం ఉంది. ప్రస్తుతం రాష్ట్రవ్యాప్తంగా పొడి వాతావరణం కొనసాగుతోంది. ఐదు రోజుల పాటు ఎటువంటి హెచ్చరికలు లేవు. ఉదయం పొగమంచు, చలితో ఉత్తర తెలంగాణ, నగర శివారుల్లో జాగ్రత్తలు తీసుకోవాలని సూచించారు. వెచ్చని నీరు తాగడం, శరీరాన్ని సంరక్షించుకోవడం ముఖ్యం. హైదరాబాద్‌లో కొన్ని ప్రాంతాల్లో కనిష్ఠ ఉష్ణోగ్రతలు 18-19 డిగ్రీలు నమోదయ్యాయి. మార్చి నుంచి విపరీత ఎండలు, డీహైడ్రేషన్ ప్రమాదం ఉందని వైద్యులు హెచ్చరిస్తున్నారు. ప్రజలు అప్రమత్తంగా ఉండాలి.

The post తెలంగాణలో ఫిబ్రవరిలోనే ఎండలు మండిపోతున్నాయి. appeared first on TelAndra.com.

భద్రాచలం సమీపంలో గోదావరి నదిలో వరద ప్రవాహం అంతకంతకూ పెరుగుతోంది. ప్రస్తుతం నీటిమట్టం 50.3 అడుగులకు చేరడంతో రెండో ప్రమాద హెచ్చరిక కొనసాగుతోంది. 12,72,345 క్యూసెక్కుల నీరు దిగువకు ప్రవహిస్తూ గోదావరి డేంజర్ బెల్స్ మోగిస్తోంది. ఈ పరిస్థితిలో లోతట్టు ప్రాంతాల ప్రజలను అధికారులు అప్రమత్తం చేశారు. నీటిమట్టం మరో రెండు అడుగులు పెరిగితే, మూడో ప్రమాద హెచ్చరిక జారీ చేసే అవకాశం ఉంది.

గోదావరి ఉదృతి కారణంగా అధికారులు మత్స్యకారులతో సహా సామాన్య ప్రజలు నది వైపు వెళ్లవద్దని హెచ్చరిస్తున్నారు. లోతట్టు గ్రామాల్లో నివసించే వారు జాగ్రత్తగా ఉండాలని, అవసరమైతే సురక్షిత ప్రాంతాలకు తరలివెళ్లాలని సూచిస్తున్నారు. వరద తీవ్రతను దృష్టిలో ఉంచుకొని అధికారులు నిరంతరం పర్యవేక్షణ చేస్తున్నారు. ప్రజలు అప్రమత్తంగా ఉండి, అధికారుల సూచనలను పాటించాలని కోరుతున్నారు.

The post భద్రాచలం వద్ద గోదావరి వరద ఉదృతి. appeared first on TelAndra.com.