పవన్ కళ్యాణ్ సినిమా స్పీడ్: రాజకీయాలతో పాటు సినిమాల్లోనూ జోరు
పవన్ కళ్యాణ్ తలచుకుంటే అసాధ్యం ఏమీ లేదు. జనసేన పార్టీ నడపడానికి నిధుల కోసం సినిమాలపై దృష్టి పెట్టిన ఆయన, అద్భుతమైన వేగంతో ప్రాజెక్టులను పూర్తి చేస్తున్నారు. గతంలో ఒక సినిమాకు ఐదేళ్లు తీసుకున్న పవన్, ఇప్పుడు ‘హరిహర వీరమల్లు’ షూటింగ్‌ను 15 రోజుల్లో ముగించారు. ‘ఓజి’ షూటింగ్ గతంలోనే పూర్తయింది. ఇటీవల మొదలైన ‘ఉస్తాద్ భగత్ సింగ్’ క్లైమాక్స్‌ను కూడా వేగంగా ఫినిష్ చేశారు.
కేవలం 10% పూర్తైన ‘ఉస్తాద్’ను పక్కనపెడతారన్న ప్రచారాన్ని తిప్పికొట్టి, కమిట్ అయిన సినిమాలను ఒక్కొక్కటిగా పూర్తి చేస్తున్నారు. 2027 వరకు మరిన్ని సినిమాల్లో నటించేందుకు సిద్ధమైన పవన్, సురేందర్ రెడ్డి దర్శకత్వంలో రామ్ తల్లూరి నిర్మాణంలో మరో చిత్రానికి కమిట్ అయ్యారు. ‘ఏజెంట్’ విఫలమైనా, ఈ ప్రాజెక్ట్‌ను పూర్తి చేయాలని నిర్ణయించారు. పవన్ సినిమా ప్రయాణం ఎలా సాగుతుందో చూడాలి!
