సమంత హగ్: లవ్ కన్ఫర్మ్?
సమంత రూత్ ప్రభు గత కొంతకాలంగా డైరెక్టర్ రాజ్ & డీకే తో సన్నిహితంగా కనిపిస్తోంది. ఈ ఇద్దరి మధ్య ఏదో ఉందనే ప్రచారం బలంగా సాగుతోంది, కానీ ఎవరూ అధికారికంగా ఏమీ వెల్లడించడం లేదు. మాజీ భర్త నాగ చైతన్య సోభితా పెళ్లి తర్వాత సమంత జీవితంలో కొత్త అధ్యాయం మొదలైందని అనిపిస్తోంది. ఇప్పుడు రాజ్‌తో కలిసి షికార్లు, ట్రిప్స్, డిన్నర్లు, పార్టీలు – ఇలా ఎంజాయ్‌మెంట్ ఫుల్‌గా ఉంది.
తాజాగా తన సొంత పర్ఫ్యూమ్ బ్రాండ్ ‘ఓ డి పర్ఫ్యూమ్’ లాంచ్ ఈవెంట్‌లో సమంత రాజ్‌కు గట్టిగా హత్తుకుని దిగిన ఫొటో సోషల్ మీడియాలో వైరల్ అయింది. ఈ చిత్రం చూసిన నెటిజన్లు “ఇదిగో, రిలేషన్ కన్ఫర్మ్!” అంటూ కామెంట్లతో నిండిపోయారు. సమంత మాత్రం నేరుగా ఏమీ చెప్పకుండా, ఇలాంటి చిత్రాలతోనే సంకేతాలు ఇస్తోందని అభిప్రాయాలు వినిపిస్తున్నాయి.
ఈవెంట్‌లో సామ్ మాట్లాడుతూ, “గత ఏడాదిన్నరగా నా కెరీర్‌లో ధైర్యంగా అడుగులు వేశాను. రిస్క్‌లు తీసుకుని ముందుకు సాగడం నేర్చుకున్నాను. ఇవన్నీ చిన్న విజయాలే, ఇది కేవలం ఆరంభం” అని ఉత్సాహంగా పేర్కొన్నారు. కుటుంబ స్నేహితుల సమక్షంలో జరిగిన ఈ కార్యక్రమంలో ఆమె సంతోషం కళ్లలో కనిపించింది.
రాజ్ & డీకే దర్శకత్వంలో వచ్చిన ‘ది ఫ్యామిలీ మ్యాన్ 2’, ‘సిటాడెల్: హనీ బన్నీ’ వంటి ప్రాజెక్టుల్లో సామ్ నటించిన సంగతి తెలిసిందే. ఈ సహకారం నుంచి వ్యక్తిగత సన్నిహితం ఏర్పడిందని ఊహాగానాలు ఊపందుకున్నాయి. ట్రోల్స్, వార్తలు ఎన్ని వచ్చినా ఇద్దరూ నోరు మెదపకపోవడం వెనుక ఏదో ఆలోచన ఉందని అనిపిస్తోంది. సమంత కెరీర్, పర్సనల్ లైఫ్ రెండూ ఇప్పుడు హైలైట్‌లో ఉన్నాయి.
