ఎల్లమ్మ సినిమా: హీరో, హీరోయిన్ ఎంపికలో గందరగోళం
ఎల్లమ్మ సినిమా: హీరో, హీరోయిన్ ఎంపికలో గందరగోళం
‘బలగం’ సినిమాతో గుర్తింపు తెచ్చుకున్న దర్శకుడు వేణు యల్దండి తన తదుపరి చిత్రం ‘ఎల్లమ్మ’ కోసం సన్నాహాలు చేస్తున్నారు. దిల్‌రాజు బ్యానర్‌లో రూపొందనున్న ఈ చిత్రం హీరో, హీరోయిన్ ఎంపికలో గందరగోళంతో వార్తల్లో నిలుస్తోంది. మొదట నాని హీరోగా ఎంపికైనప్పటికీ, ఆయన ఈ ప్రాజెక్ట్ నుంచి తప్పుకున్నారు. ఆ తర్వాత నితిన్‌ను ఎంచుకున్నారు, కానీ వరుస ఫ్లాపులతో ఉన్న ఆయన కూడా ఈ చిత్రం నుంచి వైదొలిగినట్లు సమాచారం. ప్రస్తుతం శర్వానంద్‌తో చర్చలు జరుగుతున్నాయి, కానీ హీరో ఎంపికపై ఇంకా స్పష్టత రాలేదు.
హీరోయిన్ విషయంలోనూ ఇదే పరిస్థితి. మొదట సాయి పల్లవిని టైటిల్ రోల్‌కు అనుకున్నారు, కానీ బాలీవుడ్ ‘రామాయణం’ ప్రాజెక్ట్ కారణంగా ఆమె డేట్స్ అడ్జస్ట్ చేయలేకపోయింది. ఆ తర్వాత కీర్తి సురేష్ దాదాపు ఖరారైందని వార్తలు వచ్చాయి, అయితే ఇప్పుడు మళ్లీ సాయి పల్లవి ఈ పాత్రకు దగ్గరైనట్లు తెలుస్తోంది. హీరోయిన్ ఎంపికపై కూడా ఇంకా స్పష్టత లేదు.
ప్రస్తుతానికి ‘ఎల్లమ్మ’ కోసం నితిన్, శర్వానంద్ హీరోలుగా, సాయి పల్లవి, కీర్తి సురేష్ హీరోయిన్లుగా రేస్‌లో ఉన్నారు. ఈ చిత్రం తెలంగాణ నేపథ్యంలో రూపొందనుంది. హీరో, హీరోయిన్ ఎవరు ఖరారవుతారన్నది చూడాల్సి ఉంది.
